撒母耳記下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
22:1 大衛ê凱歌
(詩18)
當上主救大衛脫離一切ê對敵ê手，kah掃羅ê手ê日，伊ǹg上主念chit首詩，講：
22:2 上主是我ê山巖，我ê營寨，拯救我ê。
22:3 上主是我ê石磐，我beh óa靠祂。祂是藤牌，是拯救我ê角，是我ê高台，是我ê避難所。拯救我ê，祢是救我脫離強暴ê。
22:4 我beh求叫上主，祂是應該oló ê，ánne我ē得tio̍h救，脫離我ê對敵。
22:5 死亡ê水湧圍我，匪類ê氾濫hō͘我驚。
22:6 陰間ê索纏我，死亡ê活tauh到tī我。
22:7 我tī患難中求叫上主，我求叫我ê上主。祂tùi聖殿聽我ê聲， 我ê求叫入去祂ê耳孔。
22:8 地就搖動，天ê根基mā gī-gī顫，為tio̍h祂ê受氣來搖動。
22:9 Tùi祂ê鼻孔有煙chhèng出去，tùi祂ê嘴有出燒滅ê火， 炭就ánne to̍h起來。
22:10 祂hō͘天kē落來，就降臨， tī祂ê腳前有烏雲。
22:11 祂騎ki-lō͘-peng teh飛， tī風ê翼頂顯現。
22:12 祂用烏暗做四箍圍ê帳房， to̍h是聚集ê水，kah空中ê密雲。
22:13 因為祂面前ê光，火炭就to̍h起來。
22:14 上主tùi天起雷，至koân ·ê發出祂ê聲。
22:15 祂射箭來kā in趕散，sihnà來hō͘ in亂。
22:16 海底to̍h出現，大地ê根基mā露現，是因為上主ê責備， mā因為祂ê鼻孔pûn出ê氣。
22:17 祂tùi頂面伸手khiú我，tùi大水中牽我起來。
22:18 祂救我脫離勇猛ê對敵，kah hiahê怨恨我ê人，因為in比我khah有力。
22:19 我tú tio̍h患難ê日，in來迫害我；總是，上主是我所óa靠ê。
22:20 祂chhōa我到開闊ê所在；祂救我，因為祂kah意我。
22:21 上主照我ê公義kā我報答， 照我ê手ê清氣kā我報賞。
22:22 因為我守上主ê道路， m̄ bat做pháiⁿ，離開我ê上主。
22:23 祂所有ê法度tī我ê面前， 祂ê律例，我mā無悖逆。
22:24 我tùi tī祂是完全，我mā守本身無行我ê pháiⁿ。
22:25 所以，上主kā我報賞，是照我ê公義，mā照我tī祂ê目chiu 前ê清氣。
22:26 對仁慈ê人，祢顯明kakī 是仁慈，tùi tī完全ê人，祢顯明kakī 是完全；
22:27 對清氣ê人，祢顯明kakī 是清氣；tùi tī乖癖ê人，祢顯明kakī 是彎曲。
22:28 困苦ê人民，祢kā伊救。祢ê目chiu 看驕傲ê人，hō͘伊降低。
22:29 上主ah，祢是我ê燈，上主ē照光tī我ê烏暗。
22:30 因為我óa靠祢衝入軍隊，óa靠我ê上主，to̍h跳過牆。
22:31 講tio̍h上主，祂ê道路是完全ê，上主ê話，是過鍛鍊ê。見若óa靠祂ê，祂to̍h做in ê藤牌。
22:32 上主以外，啥人是上帝？ 咱ê上主以外，啥人是石磐？
22:33 上主是我堅固ê營寨，祂引chhōa完全ê人行祂ê路。
22:34 祂hō͘我ê腳親像鹿母，hō͘我khiā tī我koân ê所在。
22:35 祂教示我ê手會交戰，致到我ê手骨會開銅弓。
22:36 祢用祢ê拯救hō͘我做藤牌，祢ê溫柔hō͘我做大。
22:37 祢hō͘我ê腳所踏ê地開闊，我ê腳mā m̄ bat踏thu̍t去。
22:38 我jiok我ê對敵，來kā in剪除，in iáu未剿滅ê chìn前，我無倒tńg來。
22:39 我kā in剿滅，kā in phah傷，hō͘ in peh bē起來，倒tī我ê腳前。
22:40 因為祢bat用氣力縖我，hō͘我ē交戰， 祢hō͘ hiahê起來攻擊我ê，lóng屈服tī我。
22:41 祢hō͘我ê對敵ǹg我oa̍t-tńg身，hō͘我thang剪除hiahê怨恨我ê人。
22:42 In四界看，mā無kā in拯救ê， 就仰望上主，祂mā m̄應in。
22:43 我kā in搥幼幼，親像地chiūⁿê塵埃，我thún踏in親像街路ê土糜，hō͘ in四散。
22:44 祢救我脫離我ê人民ê相爭，保存我做列國ê頭目；我所m̄ bat ê人民ē服事我。
22:45 外邦人beh投降我， 一下聽tio̍h，to̍h ē遵thàn我。
22:46 外邦人ē衰敗，tùi in秘密ê所在phi̍h-phi̍h chhoah出來。
22:47 上主是活ê，願我ê石磐得tio̍h oló， 願上主，to̍h是救我ê石磐ê，得tio̍h尊做高！
22:48 to̍h是替我申冤ê上主， hō͘ hiahê人民屈服我。
22:49 救我脫離我ê對敵ê，koh舉起我khah koân hiahê起來攻擊我ê； 祢救我脫離強暴ê人。
22:50 上主ah，因為ánne我beh tī列邦感謝祢，mā beh唱歌oló祢ê名。
22:51 上主大大拯救祂所設立ê王， 施慈愛hō͘祂所抹油ê， to̍h是hō͘大衛kah伊ê kiáⁿ孫，直到永遠。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。