撒母耳記上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
3:1 上主對撒母耳顯現
Gín-á撒母耳tī以利ê面前服事上主。當hiahê日，上主ê話真稀罕，無tiāⁿ-tiāⁿ 有啟示。
3:2 有一日，以利睏tī kakī ê所在，伊ê目chiu 已經霧，看bē明。
3:3 上主ê燈iáu未hoa，撒母耳已經tī上主ê殿，tī上主ê約櫃hia teh睏。
3:4 上主叫撒母耳，伊應講：「我tī chia。」
3:5 to̍h行去到以利hia，講：「我tī chia，因為你叫我。」以利講：「我無叫你，你tńg去睏。」伊to̍hkoh去睏。
3:6 上主koh叫撒母耳，撒母耳起來，去以利hia，講：「我tī chia，因為你叫我。」以利應講：「我ê kiáⁿ，我無叫你，你thang koh去睏。」
3:7 Hit時，撒母耳iáu m̄ bat上主，上主ê話bē kā伊啟示。
3:8 上主第三pái叫撒母耳。撒母耳起來，去以利hia，講：「我tī chia，因為你叫我。」以利chiah知，是上主teh叫gín-á。
3:9 就ánne，以利kā撒母耳講：「你koh去睏，祂若koh叫你，你to̍h講：『上主ah，請祢講，祢ê奴僕teh聽。」撒母耳to̍h去睏tī伊ê所在。
3:10 上主koh來khiā ·leh，親像前幾pái teh叫：「撒母耳！撒母耳！」撒母耳應講：「請講，祢ê奴僕teh聽。」
3:11 上主kā撒母耳講：「你看，我tī以色列中beh行一項事，hō͘聽tio̍h ê人，兩 个耳孔會振動起來。
3:12 我關係以利ê家所講ê，到hit日，頭到尾我ētī伊ê身上應驗。
3:13 我bat kā伊講，我ē為tio̍h伊所知ê罪，永遠審判伊ê家，因為伊ê kiáⁿ kakī 招來咒詛，伊mā無kā in禁止。
3:14 所以，我有對以利ê家chiùchōa講：『以利ê家ê罪過，雖然獻祭祀禮物，永遠bē tàng贖罪。』」
3:15 撒母耳睏到天光，to̍h開上主ê殿門。撒母耳m̄敢kā異象對以利講。
3:16 以利叫撒母耳來，講：「我ê kiáⁿ撒母耳！」撒母耳應講：「我tī chia。」
3:17 以利講：「上主對你講啥物？求你m̄ thang對我隱瞞；你若kā祂所kā你講ê對我隱密一句，願上主加倍kā你責罰。」
3:18 撒母耳to̍h kā hiahê話lóng kā伊講，lóng無對伊隱瞞。以利講：「是上主，願祂照祂所看做好ê來行。」
3:19 撒母耳漸漸大漢，上主kah伊同在，hō͘伊所講ê，無一句無應驗。
3:20 Tùi但到別是巴，所有ê以色列人lóng知撒母耳hông設立做上主ê先知。
3:21 上主koh tī示羅顯現，因為上主用上主ê話tī示羅對撒母耳顯明。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。