民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
5:1 無清氣ê人
上主吩咐摩西講：
5:2 「你tio̍h命令以色列人hō͘所有患tio̍h癩ko ê，患tio̍h下身流膿症頭ê，kah因為屍體無清氣ê，lóng tio̍h出去營外。
5:3 無論男女lín lóng tio̍h hō͘ in出去，to̍h是出去到營外，免得òe lahsap in ê營房，因為我tòa tī in ê中間。」
5:4 以色列人照ánne行，hō͘ in出去營外。上主ánne吩咐摩西，以色列人to̍hánne去行。
5:5 賠償
上主吩咐摩西講：
5:6 「你tio̍h kā以色列人講：無論男女，若行人所行ê罪，致使悖逆上主，hitê人to̍h有罪。
5:7 In tio̍h承認in所犯ê罪，照數額陪伊，另外加五分之一，歸hō͘伊所khek虧ê人。
5:8 總是，hitê人若無親人thang領受因為罪所賠ê，hitê因為罪所賠e5to̍h tio̍h還hō͘上主，來歸祭司；論hit隻贖罪ê羊káng，to̍h是用來kā伊贖罪ê，是算在外。
5:9 以色列人所有ê聖物中，所奉獻hō͘祭司ê舉祭lóng tio̍h歸hō͘祭司。
5:10 見若人所分別做聖ê物lóng tio̍h歸hō͘祭司，人用啥物hō͘祭司ê，lóng tio̍h歸tī伊。」
5:11 憢疑Bó͘ ê案件
上主吩咐摩西講：
5:12 「你tio̍h吩咐以色列人，對伊講：人ê bó͘若做m̄ tio̍h來得罪她ê丈夫，
5:13 有人kah她行姦淫，tāichì祕密，她ê丈夫m̄知，mā無露出；總是，她hông òe lahsap，mā無人做見證，mā無掠tio̍h她，
5:14 她ê丈夫生起憢疑ê心，憢疑伊ê bó͘，伊ê bó͘是hông òe lahsap；á是她ê丈夫生起憢疑ê心，憢疑伊ê bó͘，伊ê bó͘並無hông òe lahsap，
5:15 hitê人tio̍h chhōa伊ê bó͘到祭司hia，mā為tio̍h她帶大麥ê麵粉十分之一伊法做伊ê禮物，m̄ thang thîn油，mā m̄ thang chham乳香，因為這是憢疑ê素祭，是ē記得ê素祭，hō͘人ē記得罪。
5:16 「祭司tio̍h hō͘ hitê chabó͘人近óa來，hō͘她khiā tī上主ê面前。
5:17 祭司tio̍h用聖ê水貯tī磁ê器具內，koh tùi會幕ê土腳the̍h一點á土沙粉，hē tī水中。
5:18 祭司tio̍h hō͘ hitê chabó͘人khiā tī上主ê面前，phah散chabó͘人ê頭毛，kāē記得ê素祭，to̍h是憢疑ê素祭，hē tī她ê手中；祭司ê手tio̍h the̍h致使咒詛ê苦水。
5:19 祭司tio̍h kah chabó͘人chiùchōa，對她講：『若無人kah你行姦淫，你已經受丈夫ê約束，無做m̄ tio̍h致使òe lahsap，你to̍h kah chitê咒詛ê苦水無關係。
5:20 總是，你已經受丈夫ê約束，若有做m̄ tio̍h hông òe lahsap，tī你ê丈夫以外有人kah你行姦淫。』
5:21 祭司to̍h hō͘ chabó͘人用咒詛來chiùchōa，祭司對chabó͘人講：『上主hō͘你ê大腿瀾，腹肚脹ê時，願上主hō͘你tī你ê人民中成做咒詛，成做chiùchōa ê話柄；
5:22 koh chitê致使咒詛ê水beh入去你ê腸á內，hō͘你ê腹肚脹，大腿瀾。』chabó͘人tio̍h應講：『阿們！阿們！』
5:23 「祭司tio̍h tī冊裡寫chiahê咒詛ê話，用hiahê字抹入去tī苦水裡。
5:24 Koh hō͘ chabó͘人lim chitê咒詛ê苦水，致使咒詛ê水入去她ê內面，成做苦。
5:25 祭司tio̍h tùi chabó͘人ê手the̍h憢疑ê素祭，tī上主ê面前搖hitê素祭，帶到壇前。
5:26 祭司tio̍h tùi素祭中the̍h出一把做記念，燒tī壇頂，然後hō͘ chabó͘人lim chitê水。
5:27 Hō͘ chabó͘人lim hitê水了後，她若無清氣得罪她ê丈夫，chitê致使咒詛ê水beh入去她ê內面，成做苦，她ê腹肚to̍h ē蠱脹，大腿to̍h ē瀾，hitê chabó͘人to̍h ētī她ê人民中間成做咒詛ê話柄。
5:28 若chabó͘人無hông òe lahsap，實在是清氣，to̍h免受災禍，koh ē懷孕。
5:29 「Bó͘已經受丈夫ê約束，若有做m̄ tio̍h bak tio̍h lahsap，這to̍h是憢疑ê例。
5:30 Á是人生出憢疑ê心，來憢疑伊ê bó͘，to̍h tio̍h hō͘伊ê bó͘ khiā tī上主ê面前，祭司to̍h tio̍h kā她照chitê例來行。
5:31 Án-ne，chapo͘人to̍h無罪，chabó͘人tio̍h擔當kakī ê罪。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。