利未記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
9:1 亞倫獻祭
到第八日，摩西召亞倫kah伊ê kiáⁿ，以及以色列hiahê長老來。
9:2 對亞倫講：「你tio̍h取一隻細隻牛káng-á做贖罪祭，一隻綿羊káng做燒祭，tio̍h取無缺點ê，獻tī上主ê面前。
9:3 你mā tio̍h吩咐以色列人講：『Lín tio̍h取一隻山羊káng做贖罪祭，koh取一隻牛á-kiáⁿ kah一隻綿羊á，lóng tio̍h未滿年，koh tio̍h無缺點ê，來做燒祭。
9:4 Koh取一隻牛káng kah一隻綿羊káng來做謝恩祭，獻tī上主ê面前，kah取調和油ê素祭，因為今á日上主beh顯現hō͘ lín看。』」
9:5 In就照摩西所命令ê帶到會幕前，會眾lóng行óa來khiā tī上主ê面前。
9:6 摩西講：「這是上主命令lín所tio̍h做ê，上主ê榮光to̍h ē顯現hō͘ lín看。」
9:7 摩西對亞倫講：「你tio̍h到壇前，獻你ê贖罪祭，kah你ê燒祭，為本身kah人民贖罪，koh獻人民ê禮物，替in贖罪，lóng是照上主所命令ê。」
9:8 亞倫to̍h到壇前，thâi hit隻牛á-kiáⁿ，為本身做贖罪祭ê。
9:9 亞倫chiahê kiáⁿ phâng hitê血hō͘伊，伊to̍h用指頭á ùn血，抹tī壇頂hiahê角，koh kā血倒tī壇腳裡。
9:10 獨獨贖罪祭ê油kah腰子，以及肝裡ê網紗，伊lóng hē tī壇頂燒，照上主所命令摩西ê。
9:11 伊koh用火kā肉kah皮tī營外燒。
9:12 就thâi燒祭ê chengseⁿ，亞倫chiahê kiáⁿ phâng血hō͘伊，伊to̍hhiu3 tī壇頂ê四箍圍。
9:13 In koh用燒祭ê肉，一塊一塊連頭the̍h hō͘伊，伊lóng tī壇頂燒。
9:14 伊koh洗腹內kah腿，hē tī壇頂燒祭ê頂面燒。
9:15 伊帶人民ê禮物，thâi hit隻做人民贖罪祭ê山羊káng ，為tio̍h罪來獻，kah起頭ê 相siâng。
9:16 Mā帶燒祭照例來獻。
9:17 伊koh帶素祭，tùi hit中間mi一把，這是tī早起時ê燒祭以外。
9:18 Kohthâi牛káng kah綿羊káng做人民ê謝恩祭，亞倫chiahê kiáⁿ phâng血hō͘伊，伊to̍hhiu3 tī壇頂ê四箍圍。
9:19 Koh the̍h牛káng ê油kah綿羊káng肥ê尾，以及蓋腹內ê油kah腰子，kah肝裡ê網紗。
9:20 In kā chiahê油hē tī hiahê胸ê頂面，伊to̍hka7油燒tī壇頂。
9:21 Chiahê胸kah正腿，亞倫用它做搖祭，tī上主ê面前搖，lóng是照摩西所命令ê。
9:22 亞倫ǹg人民gia̍h起手來，kā in祝福；伊已經獻贖罪祭、燒祭kah謝恩祭，to̍h落來。
9:23 摩西kah亞倫進入會幕，koh出來kā人民祝福，上主ê榮光就顯現hō͘眾人看tio̍h。
9:24 有火tùi上主ê面前出來，燒壇頂ê燒祭kah油；眾人看tio̍h，to̍h出大歡喜ê聲，仆tī地裡。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。