約翰福音 四福音合參 線上收聽:中文和合本 現代中文譯本修訂版 現代台語 台語聖經 台語(長老會傳播中心授權） 客語 現代客語 福州話 粵語和合本 希臘文(WH-NT) 下載檔案 關於語音聖經
10:1 羊椆ê譬喻
「我實在kā lín講，beh入去羊椆若無tùi hitê門，tùi別所在pôaⁿ過去ê是賊，是強盜。
10:2 Tùi門入去ê chiah是羊ê牧者。
10:3 顧門ê kā牧者開門，羊會認得牧者ê聲。牧者to̍h kā kakī ê羊一隻一隻叫名，kā in chhōa出來。
10:4 牧者kā kakī ê羊lóng放出去了後，行tī羊群ê頭前，羊就tòe牧者行，因為in ē認得伊ê聲。
10:5 羊一定bē tòe生份人去，顛倒會閃避，因為in bē認得生份人ê聲。」
10:6 耶穌kā in講chitê譬喻，in m̄知祂teh講啥物。
10:7 耶穌是好牧者
所以，耶穌koh kā in講：「我實在kā lín講，我是羊椆ê門。
10:8 所有比我khah tāi先來ê是賊，是強盜；m̄ koh，羊無聽in。
10:9 我是門，對我chitê門入來êē得tio̍h救，ē tàng出出入入，mā ēchhōe tio̍h牧草。
10:10 賊來，一定是beh偷the̍h，behthâi，beh毀滅；我來是beh hō͘ in得tio̍h豐盛ê活命。
10:11 「我是好ê牧者。好牧者為tio̍h羊來放sak性命。
10:12 Hō͘人倩做工ê人m̄是牧者，羊mā m̄是kakī ê羊；伊看tio̍h豺狼來，to̍h kā羊放sak，kakī 去逃走；豺狼咬hiahê羊，koh kā in趕散。
10:13 伊ē ánne逃走，因為伊是hō͘人倩ê工人，對羊lóng無關心。
10:14 我是好ê牧者，我batkakī ê羊，hiahê羊mā bat我；
10:15 親像天父bat我，我mā bat天父。我koh為tio̍h羊放sak性命。
10:16 我iáu有其他無屬chitê羊椆ê羊，我一定tio̍h去kā in chhōa來。In mā ē聽我ê聲來成做一群，歸屬一个牧者。
10:17 「所以，天父疼我，因為我放sakkakī ê性命，thang koh得tio̍h性命。
10:18 無人搶我ê性命，是我kakī 自願放sak。我有權thang放sak，mā有權thang koh得tio̍h。這是我tùi天父領受ê命令。」
10:19 因為耶穌講chiahê話，偤太人koh起分裂。
10:20 其中真chē人講：「祂hō͘邪神附身teh起狂，ná tio̍h聽祂ê話？」
10:21 Koh有人講：「這m̄是hō͘邪神附身ê人所講ê話，kám講鬼會開chheⁿmê人ê目chiu ？」
10:22 耶穌hō͘偤太人棄sak
Tī寒天時，耶路撒冷有teh慶祝獻殿ê節。
10:23 耶穌tī聖殿所羅門ê門廊teh行。
10:24 偤太人圍óa來kā祂講：「祢beh hō͘阮ê心憢疑到tang時？祢若是基督，tio̍h照實kā阮講。」
10:25 耶穌應講：「我bat kā lín講，m̄ koh，lín m̄信。我奉我ê天父ê名所做ê tāichì，lóng是teh為我做見證。
10:26 M̄ koh，lín m̄信，因為lín m̄是我ê羊。
10:27 我ê羊聽我ê聲，我bat in，in mā tòe我。
10:28 我koh賞賜hō͘ in有永遠ê活命，hō͘ in永遠bē沉淪，無人ētùi我ê手kā in搶去。
10:29 Kā hiahê羊賞賜hō͘我ê天父，比一切lóng khah偉大，無人ē tàng kā in tùi天父ê手搶去。
10:30 我kah天父成做一體。」
10:31 偤太人koh the̍h石頭beh tìm耶穌。
10:32 耶穌應講：「天父ài我做ê真chē好事，我lóng有做hō͘ lín看。Lín是為tio̍h tó一項tāichì，beh用石頭kā我tìm？」
10:33 Hiahê偤太人應講：「阮用石頭kā祢tìm，m̄是為tio̍h祢做好事，是因為祢褻瀆上帝。祢不過是一个人，iáu koh kakī 自稱做上帝。」
10:34 耶穌應講：「Lín ê律法kám無記載：上帝講：『我講lín是神明』？(註：詩82：6)
10:35 經典ê話永遠bē改變。既然上帝稱呼hiahê接受上帝ê話ê人做神明，
10:36 taⁿ天父kā我分別做聖，koh差派我入世間，是án怎我講：我是上帝ê Kiáⁿ，lín to̍h講我teh褻瀆上帝？
10:37 我若m̄是teh做天父ê tāichì，lín m̄免信我。
10:38 我若teh做上帝ê工，lín雖然m̄信我，mā tio̍h信我所做ê tāichì；ánne thang hō͘ lín知，天父tī我ê內面，我mā tī天父ê內面。」
10:39 In koh再想beh掠耶穌，m̄ koh祂脫離in ê手離開hia。
10:40 耶穌koh去約旦河ê對岸，到約翰早前kā人洗禮ê所在，就tòa tī hia。
10:41 有真chē人koh來見耶穌，講：「約翰lóng無行神跡，獨獨伊所講關係chitê人ê tāichì lóng是真實。」
10:42 Tī hia有真chē人信耶穌。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。