以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
13:1 責備假先知
上主ê話臨到我，講：
13:2 「人子，你tio̍h宣布來攻擊以色列中hiahê teh宣布ê先知，kā hiahê照伊kakī ê心意來宣布ê講：『Lín tio̍h聽上主ê話。」
13:3 「至koân上主ánne講：Hiahê愚戇ê先知，in有災禍à，in照kakī ê心神來行，並無看tio̍h一項。
13:4 以色列人，你ê先知親像拋荒ê所在ê狐狸，
13:5 lín m̄ bat上到破隙ê所在，mā m̄ bat為tio̍h以色列ê子民圍一个牆，thang tī上主ê日，戰陣khiāē tiâu。
13:6 In所看tio̍h ê是虛假，是白賊ê占卜。In講這是上主講ê，其實上主無差in做先知，in iáu teh ǹg望hitê話會應驗。
13:7 Lín kám m̄是有看tio̍h虛假ê異象？Kám m̄是講白賊ê占卜？Lín講這是上主講ê，其實我無差in ánne講。」
13:8 所以，至koân上主ánne講：「因為lín所講ê是虛假，所看ê是白賊。你看，因為ánne，我kah lín做對。這是至koân上主講ê。
13:9 我ê手beh攻擊hiahê看tio̍h虛假，用白賊占卜ê先知，in一定無屬tī我ê子民ê會中，無記tī以色列ê子民ê人名簿，mā bē tàng進入以色列地；lín to̍h ē知我是至koân上主。
13:10 因為in誘惑我ê子民，講：『平安！』其實無有平安；to̍h是親像人teh起牆壁，in kā它筅灰水。
13:11 所以，你tio̍h對hiahê筅灰水ê人講：『牆ē倒壞，ē有漲水ê大雨。會落大雹，kohē有大風kā它吹裂去。』
13:12 你看，牆倒了後，人kám bē對lín講：『Lín所筅ê灰水，taⁿ tī tó位？』」
13:13 所以，至koân上主ánne講：「我beh tī我ê大受氣，用狂風kā它拆裂，tī我ê受氣ē有漲水ê大雨，mā tī我ê大受氣會落大雹來kā它毀滅。
13:14 我beh ánne拆毀lín筅灰水ê牆，拆到平地，致使牆基露現，牆ē倒壞，lín mā ētī hit中間滅亡。Lin2to̍h ē知我是上主。
13:15 「我beh ánne成我ê大受氣tī hitê牆kah筅灰水ê人，mā beh對lín講：『牆無去à，筅灰水ê人mā死去à。』
13:16 這to̍h是以色列ê先知，in kí耶路撒冷來宣布，因為伊看tio̍h平安ê異象，其實無平安。這是至koân上主講ê。」
13:17 責備假ê女先知
上主講：「人子，你tio̍h面直直ǹg你ê人民ê chabó͘人，to̍h是照她ê心意來宣布ê，你tio̍h宣布來攻擊她，
13:18 講，至koân上主ánne講：『Chiahê chabó͘人有災禍à，in kā眾人ê手曲縛邪術帶，kā ta̍k種身材ê人做罩頭殼ê帕，ánne來搶人ê神魂。Kám講lín搶我ê子民ê神魂是為tio̍h beh利益kakī 來救活神魂？
13:19 Lín 為tio̍h幾nā把大麥、幾nā塊餅，tī我ê子民中間褻瀆我，對我hiahê ài聽白賊話ê人民講白賊，害死hiahê無應該死ê神魂，mā hō͘無應該活ê神魂活起來。』」
13:20 所以，至koân上主ánne講：「你看，我反對lín ê邪術帶，to̍h是lín所用來搶神魂hō͘它飛去ê。我beh對lín ê手kā邪術帶拆起來；我beh tháu放hiahê神魂，to̍h是lín所搶去ê神魂來hō͘ in飛去ê。
13:21 我mā beh拆裂lín hiahê帕，救我ê子民脫離lín ê手，無koh受搶tī lín ê手內。Lin2to̍h ē知我是上主。
13:22 「因為hit款義人，我無beh hō͘伊傷心，lín用白賊話hō͘伊傷心，而且lín堅固pháiⁿ人ê手，hō͘伊無oa̍t頭離開伊ê pháiⁿ路，來得tio̍h活。
13:23 所以，lín bē tàng koh看tio̍h虛假，mā bē tàng koh占卜。我beh救我ê子民脫離lín ê手。Lin2to̍h ē知我是上主。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。