以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
10:1 上主ê榮耀離開聖殿
我觀看,看tio̍h ki-lō͘-peng頭殼頂kah穹蒼ê中間,有親像藍色ê寶石,親像寶座ê形像ê款式。
10:2 上帝對hitê穿幼苧衫ê人講:「你入去,tī tńg-se̍h ê輪ê中間,ki-lō͘-peng以下,tùi ki-lō͘-peng ê中間the̍h teh to̍h ê火炭滿兩手,掖tī城頂。」我to̍h親目看tio̍h hitê人入去。
10:3 伊入去ê時,ki-lō͘-peng khiā tī殿ê正pêng,雲充滿內院。
10:4 上主ê榮光tùi ki-lō͘-peng hia上去,停tī殿ê戶碇ê頂面;殿有雲滿滿,hitê院mā hō͘上主榮光ê燦爛充滿。
10:5 Ki-lō͘-peng ê翼ê聲傳到外院,親像全能上帝teh講話ê聲。
10:6 上主吩咐hitê穿幼苧衫ê人講:「Tio̍h tùi tńg-se̍h ê輪ê中間kah ki-lō͘-peng ê中間取火。」Hit時,伊to̍h入去,khiā tī一个輪ê邊á。
10:7 有一个ki-lō͘-peng伸出伊ê手,伸到ki-lō͘-peng中間ê火,the̍h kóa起來,hē tī穿幼苧衫ê人ê兩支手;hitê人kā它the̍h來,to̍h出去。
10:8 Tī ki-lō͘-peng ê翼下,有顯出人ê手ê款式。
10:9 我koh觀看,看tio̍h ki-lō͘-peng ê邊á ê四個輪;chitê ki-lō͘-peng ê邊á有一个輪,hitê ki-lō͘-peng ê邊á mā有一个輪;輪ê款式親像黃玉ê色緻。
10:10 講tio̍h in ê款式,四個lóng仝一樣ê形狀,親像輪中有輪。
10:11 行ê時,四面lóng ē行得,行ê時m̄免oa̍t。頭ǹg啥物所在,in to̍htoe3它行,行ê時m̄免oa̍t。
10:12 In全身軀,in ê尻脊骿,in ê手,in ê翼kah輪,四箍圍lóng有目chiu 滿滿;to̍h是in四個所有ê輪。
10:13 講tio̍h chiahê輪,我耳孔中有聽tio̍h講「Tńg-se̍h」 ê。
10:14 Tāk-ê有四個面,頭一个面是ki-lō͘-peng ê面,第二个面是人ê面,第三个面是獅ê面,第四个面是鷹ê面。
10:15 Ki-lō͘-peng lóng上去;這是我tī迦巴魯河邊所bat看tio̍h ê活物。
10:16 Ki-lō͘-peng行,輪mā tī邊á teh行;ki-lō͘-peng thí開翼tùi地chiūⁿ去,輪mā無oa̍t-tńg身離開in ê身邊。
10:17 Hiahê停,chiahê mā停;hiahê上去,chiahê mā做伙上去;因為活物ê神靈tī in ê內面。
10:18 上主ê榮光tùi殿ê戶碇頂出去,停tī ki-lō͘-peng ê頂面。
10:19 Ki-lō͘-peng出去ê時就thí開翼,tī我ê目chiu 前tùi土腳上去,輪mā tī in ê身邊,停tī上主ê殿東門ê門口。Tī in ê頂面,有以色列上帝ê榮光。
10:20 這是我早前tī迦巴魯河邊所看tio̍h以色列上帝下面ê活物,我知in是ki-lō͘-peng。
10:21 Ta̍k個有四個面,ta̍k个有四個翼;in ê翼下有人ê手ê形像。
10:22 講tio̍h in ê面ê形像,to̍h是我早前tī迦巴魯河邊所看tio̍h ê面;in ê款式,in ê身軀,lóng是ánne,lóng ta̍k个直直行去。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。