以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
7:1 以色列ê終局逼近
上主ê話koh臨到我，講：
7:2 「人子，至koân上主對以色列地ánne講：終局到à！Chitê地四箍圍ê結局到à！
7:3 「Taⁿ你ê終局已經到à，我beh hō͘我ê受氣臨到tī你，mā beh照你ê所行來kā你審判；照你一切可惡ê tāichì kā你報應。
7:4 我ê目chiu 無beh保惜你，我mā無beh可憐你，是beh照你ê所行kā你報應，你可惡ê tāichì會歸tī你ê中間。Lin2to̍h知我是上主。
7:5 「至koân上主ánne講：有災禍，非常ê災禍；你看，teh beh到à！
7:6 終局到à！終局到à！起來攻擊你；你看，已經到à！
7:7 境內ê人民所定tio̍h ê災禍會臨到你；時期到à，日子teh beh到à，to̍h是hōa-hōa嚷，m̄是山頂歡喜ê聲ê日。
7:8 「我beh趕緊piàⁿ出我ê大受氣tī你，koh全部成我ê受氣tī你，照你ê所行來kā你審判，照你一切可惡ê tāichì kā你報應。
7:9 我ê目chiu 無beh保惜你，我mā無beh可憐你，beh照你ê所行kā你報應，你可惡ê tāichì會歸tī你ê中間。Lín to̍h會知kā lín phah ê是我—上主。
7:10 「你看，你看，日子已經到à；所定tio̍h ê災禍已經發出。柺á已經開花，驕傲已經puh芽。
7:11 強暴興起，成做刑罰pháiⁿ ê柺á。In死去，in ê群眾mā死去，in ê財寶mā無去，in中間無人得tio̍h尊貴。
7:12 「時期到à，日子teh beh到；買ê人m̄ thang歡喜，賣ê人m̄ thang煩惱，因為大受氣已經臨到tī in眾人。
7:13 賣ê in雖然iáu活leh，mā bē tàng倒tńg到伊所賣ê，因為chitê異象講tio̍h in眾人，lóng bē tàng倒tńg來，mā無人ētùi伊ê pháiⁿ所行來堅固伊ê活命。」
7:14 刑罰以色列ê罪惡
「In已經pûn哨角，準備齊全；總是，無人出去交戰，因為我ê大受氣臨到in眾人。
7:15 Tī外面有刀劍，tī內面有瘟疫，有飢荒；tī田野êē tùi刀劍來死，飢荒kah瘟疫會吞滅tī城內ê。
7:16 其中ē tàng脫離ê to̍h會脫離，ta̍k人因為伊ê罪過，tī山裡出悲哀ê聲，親像山谷中ê斑鴿。
7:17 手lóng痠，腳頭u軟kah親像水。
7:18 Inē用麻布縖腰，驚惶ē kā伊遮蓋，ta̍k人面見笑，頭殼無半支毛。
7:19 Inē kā in ê銀hiat tī街路，kā金看做ná親像污穢ê物。當上主受氣ê日，in ê金銀bē tàng救in，bē tàng hō͘ in ê心滿足，mā bē tàng hō͘ in ê腹肚飽，因為這hō͘ in跋倒tī罪惡中。
7:20 講tio̍h上主kā殿打扮ê súi，是祂hō͘它得tio̍h威風；in to̍hka7它妝thang怨恨ê物，thang討厭ê偶像，所以我hō͘ in看做ná親像污穢ê物。
7:21 我beh kā它交tī外邦人ê手，做in所搶ê物；交hō͘地chiūⁿê pháiⁿ人，做in ê賊á貨；in mā ē kā它òe lahsap。
7:22 我beh oa̍t-tńg我ê面無koh看in，inē kā我機密ê所在òe lahsap，強猛ê賊mā ē入去òe lahsap。
7:23 「Tio̍h造鐵鏈，因為chit所在滿滿是流血ê罪，城內充滿強暴ê tāichì。
7:24 我beh hō͘外邦siōng pháiⁿ ê來霸佔in ê厝宅；我beh hō͘強暴ê人ê驕傲soah去，in ê聖所受òe lahsap。
7:25 毀滅teh beh到，in beh求平安，mā bē tàng求。
7:26 ē有災禍加添災禍，風聲續接風聲；in beh對先知求異象，總是，祭司ê律法kah長老ê計畫lóng ē斷絕。
7:27 國王會悲哀，王親會稀微，人民ê手phi̍h-phi̍h chhoah。我beh照in ê所行來kā in款待，照in應該受ê審判來kā in審判。Into̍h知我是上主。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。