雅歌 4章1節 到 5章1節   背景資料  上一筆  下一筆
這是一首形容少女[新娘]súi ê詩歌。差不多kā少女[新娘]ê面部kah胸坎lóng o-ló了,包括目睭、嘴齒、嘴唇、嘴舌、胸坎等。

第1節,提起少女[新娘]面部用面紗全部遮,m̄-koh頭毛ê秀長,ná親像一陣烏山羊蓋tòa整座山丘。

第2到3節,續接頭毛了後,chit兩節描述ê是少女[新娘]ê嘴唇kah伊ê面頰之美。

第4節,講少女[新娘]ê「頷頸像大衛ê高塔,圓直牢固」,這是非常特別ê形容,原來是teh指少女[新娘]ê頷頸上,掛tio̍h súi ê phōa鍊,phōa鍊上配tio̍h真chē裝飾品。詩人用它來形容ná親像勇士ê盾牌。

第5到7節,描述胸坎ê發展非常完美、對稱。Tùi面部到胸坎,lóng是完美無缺,hō͘人看tio̍h lóng會驚嘆。

第6節提起「沒藥山」kah「乳香岡」,並無chit種地名,真可能就是用來形容雙乳ê美。

第8節,「我ê少女[新娘]」,俊男[新郎]繼續唱出歌頌ê詩歌。Tùi第8節到第五章1節,一再重複chit句話。Chit節所提起ê山岳ê名,lóng是屬tī北部ê山脈。Chia有「獅、豹子」等野獸隱藏其間。

第9到11節,koh一pái表示少女[新娘]ê súi,勾引tòa俊男[新郎]ê心魂。Á第11節用來表示二者之間有親密關係。

第 12節,愛人是「一座關閉ê花園,kā低圍牆圍teh,泉源封鎖tio̍h」,意思是teh指愛人乃是非常貞潔ê,ná親像發見泉源ê水池一般ê寶貴,m̄ hō͘外人使用。

第15節為第13 到14節做siōng好ê詮釋。

第16節,chit節是少女[新娘]回應俊男[新郎]ê詩歌。伊用「北風」kah「南風」來形容kui片空氣中lóng「洋溢tio̍h芬芳」之氣,真正會hō͘人沉醉其中。

第五章1節,chit節是俊男[新郎]ê回應。「沒藥kah香料」、「蜜房kah蜂蜜」等,lóng是用來形容甜美、芬芳ê意思。

真正體會tio̍h信仰ê奧秘後,就ná親像發見性命甘泉一般ê美,它是性命ê泉源。當人得tio̍h性命甘泉ê時chūn,就會用盡所有ê方法kā它顧守tio̍h,m̄ hō͘這泉源流失,á是hō͘別人hō͘污染à。

重新查詢 專卷研經 雅歌系列
錯誤回報,請聯繫