啟示錄 19章11節 到 19章21節   背景資料  上一筆  下一筆
Chit段經文是七個異象中ê三個異象,第一個異象是tùi第11到16節,講有一個騎tio̍h「白馬」ê人出現。Tùi kui個經文脈絡看起來,真清楚說明chit位騎tio̍h「白馬」ê騎士就是基督耶穌。第二個異象是tùi第17到18節。Chit幕ê景象真可能取材自以西結書第三十九章17到20節,描述歌革被毀滅ê情景。Chit種宴席kah原本tī享受上帝國度ê羊羔宴席(第9節)成強烈對比,因為chit-ê宴席是悲慘ê。第三個異象是第19到21節,chit-ê異象是有關怪獸kah牠ê附庸軍隊kah白馬騎士ê軍隊之間ê最後一戰。

    第11節,這是第一個異象。
    「我看見天開了」,表示人kah上帝之間ê關係拉近了,mā ē-sái講是teh描寫「天人合一」ê一種方式(參考創世記廿八:10—13,馬可福音一:10,使徒行傳七:55—56)。作者講伊看見「有一匹白馬」,根據第六章2節,表明是「得勝者」,是勝利ê顏色。Á「騎馬」ê人被稱做「真實」kah「可靠」,原因是伊用「真實」來審判,óa靠伊ê人會感覺安穩,因為伊是可靠ê領導者,mā是siōng好ê統治者(參考以賽亞書十一:4—5)。

    第12節,chit節描述chit位騎馬者ê形像:
    「目睭像火燄」,表示thang透視人心內隱藏ê意念,mā thang消除一切邪惡ê存在(參考一:14、二:18)。伊ê「頭殼頂戴tio̍h真chē冠冕」,這teh表示伊有像君王仝款ê絕對權柄,thang治理萬邦、萬國、萬族ê意思。M̄-koh卻「無人知影」伊ê名,這到底是甚麼意思?確實真oh解說。就kah-ná人想beh知影上帝ê名,卻無法度理解(參考出埃及記三:13—14)。因為聖經時代ê人認為,有號名ê權柄á是知對方名ê意思ê人就有控制權。

    第13節,這是第一pái說明chit位騎士ê名是「上帝ê道」。「上帝ê道」指ê是上帝ê「話」,祂ê話thang用來審判邪惡者、壓迫者,同時用祂ê話進行拯救ê工作。伊身上「穿ê棉袍染滿血」,chiah-ê血是chit位騎士刣死ná「大淫婦」後被濺(chōaⁿ)tio̍h ê血(參考以賽亞書六十三:1—3)。

    第14節,「天頂ê軍隊」,意指天軍(參考路加福音二:13)。Chiah-ê軍隊lóng是「穿插潔白ê麻紗衫褲」,kah跟tòe白馬騎士去作戰,這已經是一種phah贏ê姿態。

    第15節,chit位騎tio̍h白馬去作戰ê君王,tùi「嘴中吐出一把利劍劍ê劍」(參考啟示錄一:16),chit-ê劍teh表示懲罰ê利器,對邪惡ê勢力thang hō͘ in嚴厲制裁。Á「鐵杖」,表示頂真、清楚ê規律。

    無論是用劍á是鐵杖,lóng是teh象徵上帝ê「話」,因為上帝ê話比雙刃ê劍iáu koh khah利ê劍仝款(參考希伯來書四:12)。

    第16節,這是第二pái提出chit位騎士ê名,是「萬王之王、萬主之主」。

    Tī chia真oh理解為甚麼會kā名寫tī「腿上」,可能是因為騎馬ê時,伊穿插ê棉袍,tú好蓋tī大腿處之故。另外有一種看法認為是騎士ê名寫tī伊身上配戴ê劍鞘上,而劍tú好掛tī大腿處。

    第17節,「天使khiā tī日頭裡」,表示非常清楚一切景象,無任何事物ē-tàng tùi chit位天使ê眼中隱藏起來。講chit位天使向「空中所有ê飛鳥」呼喊,ài in「同齊來參加上帝ê大筵席」。這原本ê意思是teh指大家同齊聚集做伙,無論是甚麼人,只要是ē-tàng食ê,lóng同齊來。

    第18節,chit-ê宴席hō͘人看tio̍h ê景象是真恐怖ê,因為chit-ê景象就ná親像空中ê兀鷹teh等待食動物á是人屍體ê肉仝款。Kah原本ê上帝國度宴席是喜樂、滿足,完全顛倒,作者用chit種方式teh表明,這已經m̄是一種宴席,卻是非常嚴厲ê審判,而且審判ê對象,是包括所有對象,無任何一個人ē-tàng倖免。

    第19節,這是一個異象。作者看見怪獸beh聯合真chē附庸在身邊ê「諸王」、「軍隊」,beh kah白馬騎士以及伊ê軍隊對抗、作戰。雖然已經有真chē景象提出警告,m̄-koh chiah-ê擁有權力ê怪獸lóng m̄認為意,認為in有能力對敵代表「上帝ê道」ê白馬騎士。

    第20節,chit節thang參考第十三章13到14節、第十六章13到14節,記載會行奇蹟ê假先知不時迷惑人棄sak上帝ê話語。M̄-koh chit-má chit-ê「獸」kah「假先知同齊被俘」,因為in phah了敗仗。上帝kā in「活活地hiat入去hit-ê火燒tio̍h硫磺ê火湖」當做嚴厲懲罰。Chit-ê「火湖」裡ê火永遠bē熄滅(參考路加福音十六:24,馬太福音三:12)。

    第21節,所有附tùi「獸」kah「假先知」ê人mā lóng會受tio̍h仝款懲罰ê結果。Chit種觀念kah先知耶利米有密切關係(參考耶利米書十四:15—16)。

重新查詢 專卷研經 啟示錄系列
錯誤回報,請聯繫