詩篇 9章1節 到 9章20節   背景資料  上一筆  下一筆
有kóa學者認為chit-ê首詩歌kah第十篇原本是仝一個首詩歌,是一首歌頌上帝公義ê詩歌。後來會分做兩篇,有可能是因為詩歌內容ê極大差別ê關係pah。因為第九篇是歌頌上帝ê詩歌,第十篇則tī tú-tio̍h迫害ê時,發出ê哀嘆聲,內容確實kah第九篇差別非常大。

第1到4節,chit首詩歌是tùi o-ló上帝、歌頌上帝「奇妙ê作為」開始。這「上帝ê奇妙作為」,chit種句話tī詩篇中一再出現(參考廿六:7、七十一:17、七十五:1、七十八:4、八十九:5、一○五:5、一○六:7、一四五:5)。每pái講tio̍h上帝ê奇妙作為ê時,通常是teh代表三種意義:一是teh指是上帝創造ê偉大;二是講述上帝帶領以色列人民行出埃及;三是歌頌上帝公義ê審判。

第5到6節,chit兩節thang看tio̍h詩人期待上帝kā致使伊侮辱ê仇敵hō͘ in消滅,因為仇敵主要目的,就是beh引誘in棄sak上帝。

第7到8節,chit兩節是teh回應第5到6節,因為上帝已經kā chiah-ê邪惡ê氣力消滅,因為án-ne,詩人發出歌頌ê聲音,講述無論是甚麼人,lóng ài面對上帝公義ê審判。

第9到12節,chit段詩歌進一步teh講述上帝ê公義所顯現出來ê能力。公義ê上帝tī審判上有幾個特別ê所在:一是成做受tio̍h壓迫者ê避難所。二是上帝並無棄sak走chhōe祂ê人。只要有人走chhōe上帝幫助,上帝一定會伸手救助。三是上帝特別關心苦難中ê人,因為án-ne,一定會嚴厲懲罰hiah-ê迫害困苦人ê人。

第13到14節,第13節ê「憐憫」,指「憐憫」ê意思。意思是teh指當hō͘ 上帝拯救出來了後,身上是傷痕累累。Chit時chūn,詩人請求上帝醫身上ê傷痕。第14節ê「耶路撒冷」,這是teh指敬拜上帝ê所在。Chit位詩人講伊beh tī敬拜上帝ê所在,公開宣揚上帝奇妙ê作為。

第15到16節,chit兩節是對應句型。因為上帝ê公義,hō͘邪惡人掉進了家己設計ê網羅中。

第17節,chia所講ê「作惡、拒絕上帝ê人」,chiah-ê人並m̄是m̄-bat上帝,其實是認bat,m̄-koh卻拒絕承認有上帝。是故作m̄-bat,án-ne做起邪惡ê事,就放肆起來。換句話講,chit種人是驕傲ê人。

第18節,貧困、軟弱ê人,一直lóng是上帝特別關心ê對象,這mā是聖經一再hō͘咱ê認bat。因為án-ne,欺負chit種人,等於是teh輕視上帝ê能力kah公義仝款。

第19到20節,chit兩節由全體會眾齊聲同唱,kah-ná長老教會ê詩歌中之「副歌」仝款。「知影家己不過是必死ê人」,這是非常好ê一句祈禱文,當人知影家己必定會死ê時,就會知影家己ê有限kah軟弱。

重新查詢 專卷研經 詩篇系列
錯誤回報,請聯繫