詩篇 86章1節 到 86章17節   背景資料  上一筆  下一筆
這是一首屬tī個人ê哀歌,m̄-koh thang講是一首祈禱詩歌。

Chit首歌ê內容有真chē熟悉ê句話,親像:

第8 節,thang kā它比較khah以賽亞書第四十五章先知ê詩歌,一再重複ê一句話:「我是上主,我以外無別ê上帝。」「我是上主,koh再無別ê。」

第9節,thang比較以賽亞書第六十六章23節:「tī每月ê初一kah安息日,各國ê人民lóng tio̍h到耶路撒冷來敬拜我。」

第10節,thang比較khah列王記下第十九章15節,希西家王ê祈禱詞中所講ê:「你是惟一ê上帝,你管理世間萬國;你創造天地。」

第15節,thang比較khah出埃及記第卅四章6節:「我是耶和華,是上主;我是滿有慈悲憐憫ê上帝。我不輕易受氣,有豐富ê慈愛kah信實。」

頂面所講chiah-ê句話tī舊約聖經中一再出現。

	第1到7節,Tī chit段詩歌中,詩人祈求上帝ê憐憫、良善、豐富ê慈愛kah伊同在,thang hō͘伊ē-tàng脫離死亡ê威脅。因為伊自覺真「軟弱無助」,因為án-ne,祈求上帝「垂聽」伊ê祈禱。

	第8到13節,chit段詩歌thang看出詩人對上帝ê絕對óa靠,因為只有獨一ê上帝chiah有辦法hō͘人tùi死亡中間脫離出來。Mā只有chit位獨一ê上帝所指示ê道路chiah是正確ê,伊beh跟tòe。因為chit位上帝就是真理、道路,以及永恆ê性命。

	第14到17節,ná親像第一段詩歌仝款,詩人koh一pái向上帝祈求用祂永遠bē變ê疼看顧伊、憐憫伊、拯救伊。

重新查詢 專卷研經 詩篇系列
錯誤回報,請聯繫