詩篇 63章1節 到 63章11節   背景資料  上一筆  下一筆
Chit首詩歌bat被譽為是詩篇中ê一粒「珍珠」,表示是一首非常súi ê詩篇。真親像詩篇第四十二篇,渴慕上帝ê救恩。原因是詩人正面臨「仇敵」ê攻擊á是圍teh,面對性命ê死亡威脅。詩篇提起仇敵、敵人等chit種用詞,並無單是teh指對敵國家,卻是只要是對性命造成威脅ê氣力lóng算,親像破病、失敗、痛苦等等。聖經作者有時mā會kā chiah-ê仇敵用「魔鬼、撒旦」ê名稱來表示。

第1到5節,詩人一開始就宣告家己ê信仰。伊宣認chit位宇宙萬物ê創造者,就是性命ê主宰。因為án-ne,伊像乾旱ê田地teh渴望甘霖ê滋潤仝款,渴慕tio̍h上帝來幫助伊。

聖經ê作者mā ài用「榮耀」來形容上帝ê面。看見上帝ê榮耀,ná親像看見上帝ê面仝款光彩。

Á「大能」用來形容上帝ê創造,以及所行ê神跡奇事。

特別注意第3節所提起上帝「永恆ê疼」之愛字,原本表示「盟約」,mā就是kah上帝立約。上帝kah祂揀選ê子民立約,chit種約mā teh表明上帝ê疼。是永遠ê約,就是等於永遠ê疼。詩人tī chia表達:有上帝ê疼,性命chiah會有價值、珍貴。

詩人講「一生一世」lóng tio̍h用歌頌上帝ê方式來回應上帝拯救ê疼。因為有上帝ê拯救,性命ná親像豐盛ê宴席一般,永遠bē有飢渴。這mā是耶穌所講ê,伊來是beh hō͘人得tio̍h豐富ê性命(參考約翰福音十:10)。

第6到8節,chia koh一pái講出上帝ná親像母鷹,用牠堅硬有力ê翼股teh庇護雛鳥,hō͘伊安然無恙。因為chit種庇護是時刻不離。

第8節ê「扶持」,表示用雙手ê氣力,ân-ân地抱tòa,án-ne,lóng m̄免驚會ka-la̍uh,á是分離。這ná親像一對燒熱戀中ê情侶一般,ná親像雅歌ê詩人所講ê:「伊ê 倒手扶我ê 頭殼,伊ê 正手抱我。(全民版)」(雅歌二:6)表明上帝kah詩人之間不分離ê關係。

第9到11節,chit三節詩歌kah頭前ê詩歌連連bē起來。第9到10節,詩人講甚麼人想beh殺害伊,就會遇tio̍h伊ê情人就是上帝,lóng無留情ê反擊。Tī chit首詩篇ê結尾,詩人表示:任何向上帝下願ê人,tī得tio̍h上帝ê回應後,lóng應該tio̍h o-ló上帝,thang hō͘ hiah-ê專門teh欺騙、hō͘人m̄-thang相信上帝ê人,ná講白賊ê口被堵住,koh-khah án怎都講bē出話來。

重新查詢 專卷研經 詩篇系列
錯誤回報,請聯繫