詩篇 62章1節 到 62章12節   背景資料  上一筆  下一筆
這應該是一首真美ê詩歌,詩ê內容帶有「智慧文學」ê韻味。親像第8到9節所講ê,kah智慧文學ê內容真接近。上帝是人性命惟一ê希望,其他lóng是不可靠ê,即使是富貴mā是不可靠。詩篇ê詩人一再hō͘咱一個重要ê認bat:性命是tùi上帝來賞賜。因為án-ne,óa靠上帝,chiah是性命siōng好ê保障。

第1到2節,chit兩節kah第5到6節是完全仝款ê句話,因為án-ne,這兩處詩歌可能就是chit首詩歌ê「副歌」。Lóng teh表示用安靜ê心thèng候上帝。因為只要上帝出手拯救,就bē致使失敗。

第3到4節,chit兩節thang看tio̍h詩人面臨ê困境,就是攻擊者用各種不實ê話對詩人kā它毀謗,m̄-koh伊深信,上帝鑒察人心內ê意念,知影甚麼人teh講白賊。

第7到8節,chia所提起ê「光榮」,表示一個人身上所有ê一切,lóng是tùi上帝來賞賜,用chiah-ê來榮耀上帝ê人,chiah會體驗出上帝就是性命ê主。因為án-ne,一定會信靠上帝chiah是正確ê性命態度。

第9到10節,chit兩節真清楚說明所有ê人,khiā tī上帝ê「天平上」,lóng仝款。無貧賤富貴之別,而且性命tī上帝眼中lóng目nih-á到ná親像「做一睏息」,非常地輕。因為án-ne,m̄-thang認為財富chē,性命就比較khah貴重,bē,而且是不可靠。因為只要上帝決定收tńg來,就一切馬上消失無看tio̍h。

第11到12節,上帝chiah是永遠ê,tī祂有「無變ê疼」,而且像天平仝款ê公正,照每一個人ê行為來審判。因為上帝手中自有一支尺。

重新查詢 專卷研經 詩篇系列
錯誤回報,請聯繫