詩篇 61章1節 到 61章8節   背景資料  上一筆  下一筆
這是一首哀求ê詩歌。

第1到4節,tùi開始就向上帝祈求垂聽詩人祈禱ê聲音。Á tùi第2節thang看出詩人感覺非常ê落寞,因為陷入孤獨無助ê情況中。

Chit句「遠離家門ê所在」,mā thang講是tī異鄉寄居生活,á是躲避災難來臨。Á「心內憂悶」,表示艱苦心到無法度khiā立起來。M̄-koh只要上帝伸手帶領,就ē-tàng tī安穩如石磐ê「堡壘」上無憂。詩人祈求ē-tàng進入上帝ê居所—帳棚(指會幕、聖所),á是上帝ê翼股下,一定ē-tàng ná雛鳥tī母鳥ê翼鼓下安穩無憂。

第5到8節,chit段是詩人teh為君王代禱。「應得ê產業」,表示有土地thang khiā起kah種作。這tú好kah第2節ê「遠離家門」顛倒,chia表示詩人已經tńg去家鄉故土。若是一個民族來講,這表示tùi受掠之地tńg去故鄉。Chit時,就祈求上帝賞賜hō͘治理國家ê君王有智慧,知影順服上帝ê旨意而ē-tàng永遠掌權。詩人祈求上帝用「信實無變ê疼」hō͘君王ē-tàng永遠khiā tī上帝面前,kā治理ê權柄傳承落去,只因為為chit位君王是上帝所歡喜kah揀選ê對象。

重新查詢 專卷研經 詩篇系列
錯誤回報,請聯繫