詩篇 46章1節 到 46章11節   背景資料  上一筆  下一筆
Tī詩篇中,有六首詩歌被稱做「歌頌錫安ê詩歌」,包括有第四十六篇、第四十八篇、第七十六篇、第八十四篇、第八十七篇,以及第一二二篇等。

Chit首詩篇應該是一首「信心ê詩歌」,主要teh激勵耶路撒冷城內ê人民,一定會信靠上帝,特別是tī siōng危急ê時chūn,koh khah需要專心仰望上帝ê拯救。

第1到3節,tī第1節開始就講tio̍h上帝是siōng好、而且安全避難ê所在。詩篇ê詩人不時用「避難所」來形容上帝(參考七:1、九:9、十四:6、十八:2、十九:14、三十一:3、四十六:1、五十九:9、16、六十一:2、六十二:7、8、七十一:3、7、七十三:28、九十一:2、9、一四二:5)。上帝成做性命ê避難所,因為án-ne,tī患難中就成做「急診站」仝款。詩人會án-ne敘述,主要是認為上帝是無所不在ê。因為án-ne,無論是發生jōa大ê災難,有上帝當避難所,就ē-tàng安心óa靠。

第4到6節,ná親像前一段詩歌所表達ê,上帝ná親像避難所,tī chit避難所裡,就bē有任何擔憂。仝款ê,Tī chit段詩歌中,詩人講tī上帝ê城裡,無論敵人án怎壯大軍伍來攻擊,lóng m̄免驚惶,因為只要上帝發出命令,就算siōng堅強ê隊伍mā會親像雪仝款融解。Chit種經驗tī主前701年,亞述大軍包圍耶路撒冷ê時經歷到。

第7 kah第11節lóng是「副歌」。

第8到10節,詩人ài大家詳細看上帝奇妙ê作為,只要上帝一出手,戰爭就會隨時止息,所有ê武器lóng會報廢。Chit時chūn,大家chiah會知影,m̄是武器ē-tàng phah贏,卻是上帝beh hō͘強猛ê國家,知影節制、收斂。


重新查詢 專卷研經 詩篇系列
錯誤回報,請聯繫