詩篇 34章1節 到 34章22節   背景資料  上一筆  下一筆
Chit-ê篇mā是詩篇中九篇用希伯來文字母順序編寫ê詩歌其中一篇。通常chit首詩歌被看做是第廿五篇ê姊妹作品,第廿五篇是一首祈禱ê詩歌,Chit篇則屬tī感謝ê詩歌。Koh講,Chit篇詩歌充滿tio̍h箴言智慧文學ê特色,因為án-ne,mā被看做是大衛王了後ê作品。

Chit種按希伯來文字母順序編寫ê詩歌,tī詩篇中共計有九篇,就是第九篇、第十篇、第廿五篇、第三十七篇、第一一一篇、第一一二篇、第一一九篇、第一四五篇,以及chit-má這第三十四篇等。其中siōng-kài特別ê一篇,就是第一一九篇,chit-ê篇共計有廿二個段落,而每一個段落ê開始,就是希伯來文字母。Chit種用字母來寫詩篇是有用意ê,主要是hō͘民眾學習認bat字母,而且容易記tiâu。

第1到3節,chit段詩歌mā是詩人teh做信仰告白,伊呼籲所有領受過上帝救贖恩典ê人lóng tio̍h kah伊同齊來歌頌上帝。Tio̍h歌頌,是因為「上主ê偉大」(參考第3節),表示上帝已經出手拯救需要祂救助ê人。

第2節所講ê「被壓迫ê人」,mā是teh指謙卑ê人ê意。主要teh說明任何走chhōe上帝ê被壓迫者,上帝一定會幫助。

第4到10節,tùi第4到7節ē-tàng看出詩人清楚teh表示:只要真心走chhōe上帝,一定會chhōe得tio̍h,祂會垂聽受tio̍h壓迫而「孤苦無助者」ê呼hoah聲音。Tī第6節所講ê「孤苦無助者」,是teh指hiah-ê願意謙卑走chhōe上帝幫助ê人,kah馬太福音第五章3節所講ê「承認家己靈性貧乏ê人」有異曲同工ê所在。

M̄-nā án-ne,上帝mā會差派「天使」出手救助「敬畏」祂ê人。聖經一再提起,只要是真心敬畏上帝ê人,上帝會kah chit種人同在,ná親像顧羊人teh帶領羊群仝款,hō͘伊永遠bē缺乏。這相對ê意思,就是hiah-ê迫害人ê人,心中無上帝ê狂傲人,in即使是歌頌上帝,上帝mā會拒絕接受,就算in遇tio̍h困境,上帝mā bē伸手幫忙(參考以賽亞書一:15—17)。

第10節「少壯ê獅」,mā有ê譯本用「富貴ê人」,意思是:即使富貴像獅hit種強壯,mā會有缺乏、無法度滿足。

第11到22節,Tī chit段詩歌中,詩人特別針對少年人來寫。Ná親像頭前已經提起過,chit首詩歌是用字母順序排列,án-ne,ē-tàng認bat字母,mā thang透過學習認bat字母而認bat上帝。

Koh講,chit段詩歌kā「義人」kah「作惡ê人」做對比,án-ne,學習字母ê少年人就知影上帝喜愛ê對象是「義人」。這義人,指ê是敬畏上帝ê人。

詩人一開始就強調tio̍h「敬畏上主」,這是信仰ê第一課。心中敬畏上帝,就會看見上帝奇妙ê作為。Án-ne,人就會跟tòe謙卑落來。
而敬畏上帝ê人必定會養成ê態度,就是誠實,不講白賊,而且會盡力追求kah人和睦相處。

第16節講上帝「對敵作惡ê人」,表示上帝一看見甚麼人作惡,祂就非常受氣,拒絕看顧chit種人,m̄-koh上帝會看顧「義人」,hō͘ in脫離災難ê圍困。

第18節kah第6節所提起ê對象是仝款ê。

Chia一再呼求人tio̍h聽從上帝ê教示。Á聽從上帝教示ê人,一定tio̍h先約束家己ê嘴舌不講白賊,mābē出惡言。人若對上帝有敬畏ê心,性命tī上帝裡就會得tio̍h滋潤。

注意第19節,chia提起「義人遭遇真chē患難」,這表示義人並m̄是bē遇tio̍h困苦,ná親像約伯是「義人」,m̄-koh伊卻遇tio̍h意外災難連連而到。耶穌mā講tī chiah-ê世界有真chē苦難,m̄-koh,tī伊ê內面,咱thang贏過chiah-ê苦難。基督教ê信仰m̄是kā咱講無苦難,卻是贏過苦難。

第22節提起上帝ê「奴僕」,mā是「義人」ê意思。因為義人會遵守上帝ê規律誡命。

重新查詢 專卷研經 詩篇系列
錯誤回報,請聯繫