詩篇 29章1節 到 29章11節   背景資料  上一筆  下一筆
這是一首古老ê詩歌,有ê聖經學者認為chit首詩歌原本是迦南人teh歌頌in ê神明「巴力」ê,後來以色列人進入迦南後,kā它kā它修改用來歌頌上帝偉大ê作為。Mā有kóa詩篇學者認為chit首詩歌有出埃及記第十五章ê背景,原因是摩西帶領以色列人出埃及後,行過紅海,hō͘ chit首詩歌後來被歸類做凱旋ê詩歌,每pái以色列軍隊phah贏tńg來,就唱chit首詩歌。

第1到2節,「神ê眾子ah」,這是teh指上帝身邊真chē隨從ê天使(參考詩篇九十七:7,約伯記一:6)。第2節講tio̍h「歌頌上主榮耀ê尊名」,這是teh指bē-tàng亂使用上帝ê聖名,只有ē-tàng歌頌,而且是beh用siōng-kài敬虔ê態度敬拜祂。

第3到4節,表明連海洋lóng tio̍h聽從上帝ê命令,ná親像創造ê時,上帝命令一出,海洋ê大水就匯集做伙,hō͘陸地出現。當上帝ê命令一出,紅海ê水隨時分開,然後koh因為上帝ê命令,海水koh復合起來,強大ê埃及軍隊因為án-ne葬生海底。

第5到6節,「香柏樹」,這是黎巴嫩siōng貴重ê樹木,mā是siōng koân等ê建材。當上帝ê命令一出,m̄-nā是海洋ê水聽從,連黎巴嫩高山頂ê大樹mā為之折斷,表示順服。Á「烏門山」因為終年積雪,每pái春季來臨,雪融化變成水,山泉因為án-ne流竄落來,hit種聲音ná親像野牛teh奔走所發出ê響聲仝款。

第7到9節,chit三節說明tī曠野,mā到處看見上帝發出命令後ê反應,雷電交加發出巨響ê聲音,ná親像敬拜上帝ê子民聚集做伙tī聖殿吟唱詩歌所發出ê聲音仝款。

Tùi天頂ê天使,到海洋,koh再到高山,koh到平原ê曠野,詩人beh說明一件事:只要是受造物,lóng tio̍h歌頌上帝ê聖名。

第10到11節,「大水」,這是以色列人民看做危害性命siōng大ê氣力,ná親像創世記第七到八章,上帝用大水淹滅所有世間一切萬物。M̄-koh chiah-ê大水tī上帝命令之下,mā會順服。因為án-ne,聽從上帝命令ê子民,上帝會賞賜hō͘ in「力量」kah「平安」。表示有上帝庇護ê人,必定會得tio̍h平安,而hō͘性命永遠延續落去。

重新查詢 專卷研經 詩篇系列
錯誤回報,請聯繫