詩篇 26章1節 到 26章12節   背景資料  上一筆  下一筆
這是一首受冤屈ê向上帝祈求伸冤ê詩歌,kah第十七篇真類似,一般會kā chit首詩歌列為是一個人ê哀歌。Tio̍h注意ê是chit首詩歌ê背景是聖殿,而聖殿是敬拜上帝ê所在。因為án-ne,teh敬拜上帝ê所在,kā心內ê痛苦陳述hō͘上帝聽,是siōng好ê方式。古代人ê chit種觀念真重,認為上帝就tòa tī聖殿裡,祂是性命ê審判者。因為án-ne,ài用聖殿當做法庭,向上帝傾訴,由上帝來裁判,祂是公義ê神。

第1到3節,詩人深信只有上帝chiah ē-tàngiáu伊清白,因為án-ne,一開始,伊就祈求上帝為伊伸冤。伊坦蕩蕩地kā家己pái tī上帝手中,祈求上帝鑒察伊ê心內,若chiâⁿ實是無辜受難,伊祈求上帝照所立ê約帶領伊。第3節所講ê上帝之「信實」,意思是teh指上帝是守約ê神。

第4到5節,chit兩節thang參考詩篇第一篇1節。Chia提起ê「虛假」、「偽善」、「邪惡」等,lóng是上帝所討厭ê事。因為án-ne,一個遵守上帝命令ê人,一定會遠離chiah-ê事,免得因為受tio̍h誘惑而棄sak上帝,引起上帝ê忿怒。

第6到7節,「洗手表示無辜」,tī彼拉多判耶穌釘死十字架ê時,mā是用chit種動作,表示伊是無辜ê。「繞行祭壇ê周圍敬拜」,這是古老聖幕ê時代,除了祭司進入帳幕內外,其餘民眾就繞者聖幕外面,同聲歌頌上帝,講述上帝「一切奇妙ê作為」,這是teh指上帝所行ê神跡奇事。

第8到10節,聖經每pái提起「榮耀」,mā teh表示上帝出現ê所在。聖經時代以色列人民深信上帝就tòa tī耶路撒冷聖殿裡。因為至聖所有約櫃,約櫃放tio̍h上帝kah以色列人民所立ê約。M̄-koh詩人深信上帝會清楚甚麼人chiah是作惡ê人,chia所講ê「作惡」一詞,mā有含「淫亂」ê意思,表示chit種人表面上看起來是信上帝,m̄-koh實際並m̄是án-ne,卻是虛有外表而已。因為chit種人只知影「四界收受o͘-se」,in ê手不清氣。

第11到12節,詩人祈求上帝拯救伊,憐憫伊,而伊ê祈求上帝確實應允了,hō͘伊深受感動,伊決定beh tī公眾面前「歌頌上主」,講述上帝無比ê疼。

重新查詢 專卷研經 詩篇系列
錯誤回報,請聯繫