詩篇 19章1節 到 19章14節   背景資料  上一筆  下一筆
Chit首詩歌基本結構是用「摩西五經」當做歌頌ê主題,因為創造ê精美kah律法之美,lóng是「摩西五經」主要內容。

第1到6節,講述上帝ê榮耀,因為祂ê創造實在非常ê精美,用人ê言語無法度形容。宇宙萬物雖然無發出聲音,m̄-koh,看tio̍h它ê存在,ná親像看tio̍h創造ê上主仝款。

「諸天」,這是古代人ê觀念,認為天有kúi-nā層(參考哥林多後書十二:2),「諸天」chit-ê詞mā表示所有ê天際。

第4節ê「音訊」,原本ê意思mā thang當做「繩索」,kah今á日所講ê「軌道」仝款意思。表示kui個宇宙星辰,lóng有一定ê軌道teh傳達tio̍h上帝ê命令、信息。Bē混亂。

第7到14節,chit段詩歌講tio̍h上帝ê律法之美,美tī「完備」、「可靠」、「公正」、「透徹」等,意思是只要一看就明白,無霧霧無清ê地帶。對稱詞字用「純真」、「準確」、「可貴」、「甘甜」等。詩人認為一個人如果認真遵守上帝ê律法,性命就會ná親像甘泉湧現出來一般,是充滿活力ê性命。

重新查詢 專卷研經 詩篇系列
錯誤回報,請聯繫