詩篇 148章1節 到 148章14節   背景資料  上一筆  下一筆
這是一首呼籲宇宙萬物,mā就是一切受造物,lóng tio̍h歌頌上帝ê詩歌。Chiah-ê宇宙萬物,tùi人到星辰、天、地、海,以及其中所包含ê一切生物lóng在內。作者有chit種信念,是因為上帝創造之始,lóng是好ê,是tùi上帝ê好、賜福開始。因為án-ne,用歌頌ê心來回應上帝ê疼chiah是正確ê性命態度。

第1到6節,「天頂」,特別是「天頂ê諸天」表示穹蒼ê意思。所有tī空中ê萬物,mā就chit工、月、星辰lóng在內。Á「天使」、「天軍」,這lóng teh表明上帝天頂ê奴僕。第5節ê「萬象」指ê是所有呈現tī人目睭前所ē-tàng看見ê一切,一定會遵守創造主上帝所制訂ê規矩。

第7到12節,前段詩歌提起日、月、星辰kah諸天lóng tio̍h歌頌上帝,chit段詩歌則提起「sìh-nà、冰雹、雪,kah雲霧」、「大風」、「深淵」,續落來是群山,以及山中ê「果子樹、樹林」,其中ê「野獸」、「昆蟲飛禽」,以及活tī這大地上所有ê人,包括「少年人」、「少女」、「老年人」kah「孩童」等,只要是活teh ê人lóng beh同齊頌讚上帝。

第13到14節,tī所有一切中間,只有chit位創造ê上帝chiah配得歌頌。詩人呼籲所有以色列人民,lóng一定tio̍h歌頌上帝。

重新查詢 專卷研經 詩篇系列
錯誤回報,請聯繫