詩篇 142章1節 到 142章7節 背景資料 上一筆 下一筆 |
這是一首祈求上帝救助ê詩歌,mā是一個人ê哀歌。 第1到3節a句,顯然地,chit位詩人面臨極大ê痛苦,需要向上帝傾訴,而且是beh用高昂ê聲音向上帝「呼求」。伊beh向上帝吐露心中tú-tio̍h ê性命「苦情」。即使是án-ne,伊iáu對上帝無失去信心。 第3節b句到4節,詩人感覺非常孤寂,因為chhōe bē-tio̍h thang幫助ê氣力。除了上帝以外,無其它任何thang óa靠ê對象。 第5到7節,詩人深信上帝chiah是伊真實ê óa靠,是伊ê一生中間所ē-tàng信靠ê對象,即使敵人ê氣力是hit種龐(pâng)大,比伊強大真chē,伊iáu是仝款堅信,只要信靠上帝,上帝一定會「恩待」伊,救助伊脫離「災難」。 |