詩篇 140章1節 到 140章13節   背景資料  上一筆  下一筆
這是一首詩人向上帝祈求,幫助伊脫離邪惡者侵犯ê詩歌,是屬tī哀歌ê詩篇。Thang用詩人teh呼求上帝ê時,求叫上帝ê名來分段落。

第1到3節,這是第一pái呼求上帝ê名,祈求上帝ê救助。詩人提起詩人ná親像有含劇毒ê蛇仝款,其毒無比,ná親像飯匙chhèng嘴中ê牙,其毒之厲足以hō͘人隨時斃命。

第4到5節,這是第二pái求叫上帝ê名,祈求上帝救助詩人「脫離邪惡者ê權勢」。詩人講chiah-ê邪惡者ná親像「狂傲」ê人仝款,in心中根本to̍h無上帝,因為án-ne,設計陷害人ê「kho͘-á套」,認為無人知影,m̄-koh上帝一定清楚知影toh一kóa地方有「陷阱」,祈求上帝帶領幫助。

第6到7節,這是第三pái呼求上帝ê名,詩人表明伊對上帝絕對有堅定ê信心,相信上帝一定會拯救伊,ná親像tī戰場上仝款「保護」tio̍h伊免受敵人ê攻擊。

第8到11節,這是第四pái呼求上帝ê名。Chit段詩歌是一種祈願詩,詩人期待上帝ē-tàng隨時出手打擊chiah-ê邪惡ê人,hō͘ in惡質ê計謀無法度成功,甚至hō͘ in設下ê陷阱害到家己。

第12到13節,這是詩人第五次呼求上帝ê名,伊koh一pái表明對上帝ê認知,表示知影上帝會「維護弱小者ê權益」,mā會為「sàn-chhiah ê人伸張公義」,因為án-ne,只要「正直ê人」lóng會歌頌上帝ê名。

重新查詢 專卷研經 詩篇系列
錯誤回報,請聯繫