詩篇 139章1節 到 139章24節   背景資料  上一筆  下一筆
詩篇中有一部分詩歌被稱做「智慧文學」ê詩歌,親像第九十篇、第一二七到一二八篇等等。Á chit篇mā是極具代表性ê一首智慧文學之詩篇。

第1到6節,chit段詩歌thang看出詩人明確表白伊ê信仰態度:上帝是無所不知ê上帝。包括人ê「一舉一動」,上帝lóng清楚知影。這mā是基督教信仰對chit位宇宙萬物ê獨一上帝之宣告。上帝確實知影人心內ê意念,即使是隱藏在內心深處,祂mā清楚知影,m̄-koh相對ê,人對上帝ê認知是非常ê少。

第7到12節,chit段詩歌則詩人teh表示伊所認bat ê上帝,是無所不在ê上帝,chit點mā是基督教對創造宇宙萬物ê上帝之第二個宣告。Tī chit段詩歌中,詩人講無論人想beh到tó位隱藏,是無法度藏會tiâu ê。同時,tī siōng困境ê環境裡,上帝mā會幫助敬畏祂ê人,bē有甚麼所在是ē-tàng阻止上帝ê手ê。因為宇宙萬物、時間kah空間lóng是tùi上帝來ê創造,因為án-ne,「暗夜kah日時」、「烏暗kah光明」tī上帝看起來,lóng仝款。

第13到16節,chit段歌頌上帝創造人ê奇妙之詩歌,thang參考約伯記第十章8到12節,詩人tùi人體身上ê構造講tio̍h上帝ê偉大,並且強調上帝對人ê了解非常透徹,無任何事thang躲避上帝ê眼目。換句話講,人無論做甚麼、tī tó位做toh一kóa事、想kóa甚麼計畫,lóng會記錄tī上帝ê「冊子」上,這冊子以後會成做上帝審判ê根據(參考啟示錄二十:12)。

第17到18節,chit兩節thang參考詩篇第四十篇5節。這是詩人teh歌頌上帝ê計畫,細密到ná親像海邊ê細沙hit種無法度hō͘人詳細算出來,表示上帝所做ê事,lóng是真周全ê、完美ê。第17節thang參考以賽亞書第五十五章8到9節。

第19到22節,詩人Tī chit段詩歌中表示伊是屬tī上帝ê子民,學習上帝痛恨邪惡ê人,chiah-ê人會褻瀆上帝,甚至褻瀆上帝ê神聖。因為án-ne,只要是上帝所無歡喜,詩人mā是仝款無歡喜;只要上帝痛恨ê事,伊mā仝款beh痛恨。這表示,伊beh照上帝ê教導做tāi-chì,m̄敢有所違背。

第23到24節,頭前講述上帝對人ê了解非常透徹,因為án-ne,詩人希望上帝隨時lóng鑒察伊,用chit種方式好hō͘家己就會領受上帝ê歡喜、接納。

重新查詢 專卷研經 詩篇系列
錯誤回報,請聯繫