詩篇 101章1節 到 101章8節   背景資料  上一筆  下一筆
這是一首國王á是統治者,teh回應上帝揀選伊做領袖ê詩歌,teh表明伊kā以上帝ê教導做中心,hō͘伊統治ê國家、治理之下ê人民看見上帝ê公義。

第1到2節,chit位君王表示伊beh學習上帝ê「慈愛kah公義」,chit兩項lóng是上帝ê特性。表示chit位君王beh彰顯上帝造伊ê形像teh治理之下ê子民面前。Chit位君王mā teh表示伊beh學習「誠實」,而這差不多是所有上帝揀選人來當奴僕siōng重要ê基礎。因為君王lóng是上帝ê奴僕。伊所面對ê,是上帝。無誠實ê心,等於teh褻瀆上帝ê神聖。Mā只有「誠實」chiah ē-tàng hō͘人過「純潔」生活。

第3到4節,chit位君王無容允伊治理之下ê子民背離上帝,去作拜偶像(指邪惡)ê事。為tio̍h beh保持純潔ê生活,chit位君王表明伊絕對m̄ kah欺騙、講白賊ê人來往(第4節所講ê「不沾染邪惡ê事」)。

第5到8節,當chit位君王有頂面所講ê決心了後,這四節伊表明施政ê準則。有下列幾點:一是beh消滅做假見證ê人(毀謗);二是心中狂傲ê人,chit種人mā是藐視上帝ê人;三是m̄免假冒偽善ê人擔任官職;四是beh採用誠實、忠心ê人,好建造一個誠實ê國度。

第8節所提起ê「ta̍k工」,是teh指每工開庭審理國家案件,一定會詳細審理,beh hō͘上帝所賜福ê國度,是真實無欺ê社會。

重新查詢 專卷研經 詩篇系列
錯誤回報,請聯繫