民數記 30章9節 到 30章16節 背景資料 上一筆 下一筆 |
Chia講tio̍h ê lóng是已婚婦女chiù-chōa下願ê事。 第9節,這是teh指寡婦á是離婚婦女,因為丈夫已經無tī身邊,伊無論發甚麼誓,許怎樣ê願,lóng一定tio̍h遵守。伊ê父母á是kiáⁿ lóng無權力hō͘ in阻止á是反對。 第10到14節,chit段經文真清楚說明,許了願ê bó͘,伊ê丈夫擁有決定權。M̄-koh仝款ê,lóng一定tio̍h tī聽tio̍h了後馬上表示同意á無,若無,tī過了hit工了後,就失去約束力。 第15節,任何丈夫若是已經聽tio̍h bó͘所許ê願卻無阻止,後來反悔á堅持改變,就一定tio̍h家己承擔後果。 第16節,chiah-ê chiù-chōa下願ê規定,lóng是摩西照上帝頒佈hō͘伊轉交hō͘以色列人民遵守ê。 Tùi以上ê條例來看,以色列婦女tī社會ê地位iáu是真低,in ê cha-po͘人有相當ê影響權利。M̄-koh相對ê,cha-po͘人有相當權利ê時chūn,mā同時teh表示cha-po͘人有責任照顧cha-bó͘人ê安危。伊m̄是隨便表示意見,á是beh負起保護ê責任。 |