民數記 21章4節 到 21章9節   背景資料  上一筆  下一筆
Chit段經文若是續接tī第二十章了後,會koh khah順暢。Chit段經文為列王記下第十八章4節希西家王拆除所有偶像ê時,mā拆除這被以色列人民the̍h來當做偶像崇拜ê銅蛇,做了一個伏筆。

第4到5節,為tio̍h boài kah以東人衝突,摩西帶領以色列人民繞道行koh khah遠ê路徑,結果引發以色列人民不滿,m̄-nā án-ne,in koh一pái tú-tio̍h缺水ê問題,m̄-koh khah hō͘上帝受氣ê,是竟然將嗎哪當做「嚥不下」、「難食ê物件」,這明明是teh糟蹋上帝賞賜ê恩典。

第6到7節,上帝對tī以色列人民ê怨言並無直接回答,卻是叫蛇進入in中間,結果真chē人tùi án-ne被咬死。為tio̍h án-ne,以色列人民趕緊koh去求叫摩西,求伊為in祈禱,in承認家己犯了罪。

第8到9節,摩西得tio̍h上帝指示造一條銅蛇,並kā它「掛tī柱á頂,好hō͘被毒蛇咬了ê人因望見這蛇á活」。這表示上帝並無將chiah-ê咬死以色列人民ê毒蛇刣死,卻是hō͘ in繼續存在tio̍h,並且thang透過銅蛇走chhōe性命ê得救。真可能這銅蛇一直被以色列人民保留tio̍h當做被蛇咬ê醫方式,無想tio̍h經過一段ê時日了後,卻kah迦南地ê民間宗教混合了,á當做偶像teh崇拜,直到希西家王時代chiah kā它拆除。



重新查詢 專卷研經 民數記系列
錯誤回報,請聯繫