民數記 21章1節 到 21章3節   背景資料  上一筆  下一筆
Chit章mā ē-sái講是以色列ê戰事記錄。Tī出埃及記第十七章8到16節記載第一pái出埃及了後,tī曠野kah亞瑪力人有過戰爭,hit-pái完全是上帝teh替以色列人民相刣。chit-má chit章記載以色列人民tī曠野漂流期間,已經有相當ê組織,thang迎戰並且化解曠野各種族群想beh攻擊、侵犯in ê企圖。

Chit段經文記載以色列人民kah迦南人第一pái交戰。而且以色列人民phah了勝仗。M̄-koh無離開上帝chiah是hō͘ in phah贏仗ê主要因素。

第1節,「亞拉得」,這是設tī迦南南部ê城市,離希伯崙以南大約有27公里遠。Hit-ê城ê「亞拉得」王派兵出來攻打以色列人民,並且俘虜了一kóa以色列人民。以色列人民已經學會曉一定tio̍h徵求上帝同意,相刣chiah有辦法戰勝,這m̄是武器ê問題,卻是有上帝同在á無。In頂pái有過一pái經驗,雖然真勇敢,iáu是phah了敗仗(參考民數記十四:39—45)。Chit-pái上帝「垂聽in ê祈求,kā迦南人交tī in手裡」,án-ne in chit-pái phah了勝仗。

注意第2節所講ê,「無條件地kā in kah in ê城市獻hō͘」上帝,意思是絕對不存留,會kā它kā它毀壞。換句話講,就是kā城裡所有ê設施全部lóng破壞到無法度使用ê意思。因為án-ne,in稱呼hi̍t 所在為「何珥瑪」,意思就是毀滅。

重新查詢 專卷研經 民數記系列
錯誤回報,請聯繫