民數記 19章1節 到 19章10節   背景資料  上一筆  下一筆
Chit章主要是記載有關án怎舉行潔淨禮。對以色列人民來講,維護聖幕ê潔淨是非常重要ê一件事。因為聖幕teh代表神聖ê上帝khiā起tī in中間。因為án-ne,任何會造成污穢聖幕ê事,lóng會看做是真嚴重ê事,需要設法潔淨。Án-ne,若是有人因為接觸tio̍h任何無清氣ê事,就需要進行潔淨禮,了後,chit-ê人chiah thang接近聖幕。

比較困難ê原因,是無解釋為甚麼ài做chit種獻祭?而且是用紅母牛,表示這是kui個族群有問題chiah需要hiah-ni̍h大費周章。

Chit段經文記載怎樣行潔淨禮,kah一定tio̍h準備潔淨禮ê物件。

第1到2節,準備潔淨禮是一隻無耕做過ê紅母牛,而且一定tio̍h是無任何殘缺ê,因為這是beh獻祭用ê。

第3到4節,kā紅母牛交hō͘祭司以利亞撒,mā就是亞倫ê kiáⁿ來執行獻祭ê工作。作法就是kā宰殺母牛流出來ê血,用chéng頭á ùn牛血灑向聖幕「七pái」。M̄-koh tio̍h注意ê,這是tī「營外」宰殺,表示無清氣,bē-tàng tī聖幕外,卻是tī營區外。免得因為無清氣接近聖幕á koh一pái污穢了聖幕ê潔淨kah神聖。

第5到8節,chit隻紅母牛是全隻lóng燒化掉,包括負責燒化ê人,kah祭司lóng ài beh進行洗滌衫褲,因為in接觸ê是代表無清氣ê記號。

第9到10節,紅母牛燒化後ê火灰,好thang保存落來,khǹg tī營區外面「一個潔淨ê所在」,當做潔淨ê用品。

重新查詢 專卷研經 民數記系列
錯誤回報,請聯繫