民數記 15章1節 到 15章16節   背景資料  上一筆  下一筆
Chit章主要是講tio̍h有關獻祭ê條例。Chit段有關獻祭ê條例部分,特別強調用「細麵粉」,它是用小麥磨成ê。Chit章kah利未記第二章無仝ê所在,是chit段經文詳細說明獻祭ê時用ê物件量chē少,親像油jōa-chē公升、細麵粉jōa-chē公斤等。Tī chit章中mā特別提起有關贖罪祭ê條例。Koh講,chit章mā提起一個違背安息日ê例,當做懲罰違反安息日規矩者ê警戒。Mā為以色列cha-po͘人beh穿ê外衫設定一個規範。

Chit段經文講tio̍h有關獻燒化祭、還願祭、自願祭,á是宗教節期ê獻祭條例,需要加上素祭品ê規矩。

第1到3節,chia提起以色列人民有一工到à「上主賜hō͘ in ê土地ê時chūn」,對tī獻祭hō͘上帝ê時,一定tio̍h遵守ê規矩。Chiah-ê屬tī燒化祭ê牲禮,包括有「公牛、公羊、綿羊、山羊」等。

第4到10節,chit段經文真清楚規定,每pái獻燒化祭,lóng tio̍h搭配用小麥磨成ê「細麵粉」,然後調kah tio̍h橄欖油,並且配上酒,án-ne同齊獻hō͘上帝。而且是無仝ê羊,á是牛,所搭配ê細麵粉、橄欖油,kah酒ê份量就有無仝。

第11到12節,chit段經文講若是獻上ê牲禮是加倍,搭配ê素品mā是仝款tio̍h加倍。

第13到16節,chia ê規定真重要,講述無論是以色列人民,á是寄居tī in中間ê外僑,無論寄居ê時間長á是短,只要是獻祭,lóng tio̍h kah以色列人民仝款,無分別。因為tī上帝面前,所有ê人lóng仝款。換句話講,只要是敬拜耶和華上帝ê人,所beh遵守ê條例就是仝款,bē有種族ê區別。

有一種見解,認為chia所提起ê「外族人」,是teh指已經被以色列人同化,成做in ê一份子。Mā因為án-ne,chiah-ê人chiah會跟tòe以色列人民去向上帝獻祭。

重新查詢 專卷研經 民數記系列
錯誤回報,請聯繫