民數記 14章26節 到 14章38節   背景資料  上一筆  下一筆
Chit段經文記明上帝對以色列人民嚴厲ê懲罰。

第26到29節,上帝ài摩西kah亞倫去向以色列人民傳達祂懲罰ê信息,就是因為in既然祈求boài進入迦南應允之地,上帝就成全in,chit種成全方式,就是hō͘ in中間二十歲以上ê人,「無一人ē-tàng進入」迦南應允之地。

第30到32節,迦勒kah約書亞chit兩位領袖,因為對上帝有夠額ê信心,因為án-ne,二十歲以上ê,就是in兩個人會得thang進入迦南地。Á二十歲以下ê新生代lóng thang進入。其餘ê lóng會死tī曠野ê所在。

請注意,chia ê「二十歲以上ê人」,就是hiah-ê tī戶口普查ê時,thang用來相刣ê壯丁。換句話講,chiah-ê人lóng深受埃及文化、思想ê影響,認為埃及chiah是siōng堅強ê國家。In並無真正認bat上帝用神奇ê氣力帶領in出埃及,行過紅海,tùi天頂降落嗎哪等等chiah-ê奇妙ê神跡,猶原相信只有軍事力量chiah是真正,這成(chiâⁿ)實是「奴隸性」甚重ê人民,chit種人民是無法度成做新國民,建立新國家ê。

第33到35節,mā因為án-ne,即使新生代beh進入應允之地迦南,時間mā延長,原本已經是目的地teh到à,chit-má卻因為án-ne soahhō͘ 上帝懲罰拖延,計算ê方式,就是chiah-ê探子入去探勘四十工,以每工換一年算,一定tio̍h長到四十年時間滿了,chiah會得thang進入迦南地。Á chit段時間,in kā繼續tī曠野漂流,經歷艱困ê生活。原因是in一再埋怨上帝,對上帝失去信心。Mā tùi chia thang看出,不時埋怨上帝,對上帝無信心ê人,就一定tio̍h付出真貴ê代價。

第36到37節,另外對tī chiah-ê散佈不誠實話ê人,上帝用瘟疫懲罰in,這mā是一種終止謠言散播ê方式。

重新查詢 專卷研經 民數記系列
錯誤回報,請聯繫