民數記 12章9節 到 12章16節   背景資料  上一筆  下一筆
Chit段記述上帝懲罰美莉安,m̄-koh並無解釋為甚麼無懲罰亞倫。以及後來摩西替美莉安祈求上帝ê憐憫,chiah hō͘美莉安ê癩ko病得tio̍h醫。

第9到12節,上帝受氣,用「癩ko」來懲罰美莉安。亞倫因為án-ne heⁿh驚kah m̄知如何是好。因為án-ne只好求救tī摩西。亞倫承認和美莉安lóng是「愚昧犯罪」。伊祈求摩西mài hō͘美莉安ná親像「爛掉一半ê死胎」,表示伊ê後半生kā一定tio̍h被隔離出來,遠離眾人。美莉安所受tio̍h ê懲罰是得了癩ko病,這是當時ê人看做非常嚴重ê一種病,一定tio̍h tùi人群中隔離出來,khiā起tī營外(參考利未記十三:45—46)。亞倫無受tio̍h懲罰,有一種講法,認為亞倫是大祭司,需要替以色列人民辦理重大獻祭ê事。Á癩ko是屬tī無清氣ê,若是亞倫和美莉安仝款,就無法度koh再成做祭司à。

第13到16節,摩西向上帝呼求,求上帝醫美莉安。上帝垂聽摩西ê祈禱,chiah致使美莉安用隔離七工當做懲罰。Mā因為án-ne,以色列人民延後七天才繼續in ê行程。就án-ne,in離開hit所在到巴蘭曠野紮營。

Chit章mā說明,mài隨便輕視上帝所揀選ê奴僕,因為輕視上帝親自揀選ê奴僕,ná親像輕視上帝仝款。Koh講,摩西替美莉安向上帝祈求,得tio̍h上帝垂聽,tú好表示伊真是上帝揀選ê先知,先知若替人祈禱,會得tio̍h上帝應允(參考創世記二十:7)。

重新查詢 專卷研經 民數記系列
錯誤回報,請聯繫