馬太福音 7章21節 到 7章23節 背景資料 上一筆 下一筆 |
續接前一段論到ê假先知ê問題,ná親像第19節所提起ê,必定會有審判,chit-ê審判並m̄是teh評斷甚麼人有行神跡奇事ê能力,卻是誠實ê心靈。 Chia ê「主ah,主ah」,有兩種意思,一是teh指求救ê呼聲(參考八:2、6、8、25),重複使用,表示非常迫切ê呼聲(參考廿五:11)。二是teh指一種禮儀上ê歡呼,就ná親像今á日ê人teh歡呼「萬歲、萬歲」仝款。 Ē-tàng á是bē-tàng受上帝所接受?Kah一個人是m̄是會行神跡奇事無關係。Siōng重要ê,就是第21節所講ê,實行上帝ê旨意chiah ē-tàng入去。耶穌mā強調只要是實行上帝旨意ê人,lóng是祂ê「老母和兄弟姊妹」(參考十二:50)。 |