馬可福音 6章1節 到 6章32節   背景資料  上一筆  下一筆
Ná親像約翰福音第一章11節所講ê:「伊來到家己ê所在,家己ê人卻無接受伊。」耶穌tńg來到家己ê故鄉拿撒勒,伊故鄉ê人拒絕接受伊。雖然伊被邀請tī「安息日」進入會堂「教導人」,而且聽伊ê教導了後,大家lóng感覺「驚kah gāng去」,m̄-koh卻是「驚kah gāng去」到m̄敢相信,最後是tùi「驚kah gāng去」變成「厭棄伊」。

第2到3節是拿撒勒人一連串ê疑問,並且因為對耶穌成長ê家庭甚熟,而且認為耶穌就只是一個「木匠」,soah因為án-ne「厭棄伊」。

第4節,耶穌用一句流行ê俗語來回應家己鄉親厭棄伊ê態度。

第5到6節,「厭棄」耶穌ê人,結果耶穌以「無行甚麼神跡」來回應伊ê鄉親。其實,有損失ê是拿撒勒人。

第六章6節b句到32節
Chit段經文mā用「三明治」編輯法呈現出來。Tùi第6節b句到第13節,是耶穌差派所揀選ê十二個門徒出去傳福音,然後第30到32節記載chiah-ê門徒tńg來向耶穌報告in傳福音ê成果。中間插入第14到29節chit段記載行洗禮約翰被希律王殺害ê經過。Chit種編輯法真清楚teh說明一件事:出去傳福音就beh有像行洗禮約翰被殺害受難ê準備。

第6節b句到13節,chia講派十二位門徒是「兩個兩個地出去」,kah路加福音第十章1節差派七十二門徒出去傳福音ê情形仝款。同時,耶穌hō͘這十二個門徒lóng有「驅逐污靈ê權柄」。

第8到11節是耶穌hō͘眾門徒ê指示:thang帶柺á、穿一雙鞋子,其它ê lóng mài帶。有家庭接待就入去tòa,直到離開ê時。若是被拒絕,就將身上ê灰塵跺掉,chit種方式是巴勒斯坦地區「拒絕往來」ê一種風俗。用chit種方式當作「警告」,意思是teh指以後會有審判,而且兩個人ê見證是會hō͘接受ê(參考申命記十九:15)。

第12到13節,門徒知影福音ê信息中心,就是beh「勸人悔改」。因為只有悔改chiah ē-tàng得tio̍h上帝ê赦免。「用油塗抹真chē病人,治好in ê疾病」,早期ê人相信「抹油」是治病ê一種「秘方」,tī當時非常流行(參考路加福音十:34,雅各書五:14),chit種thang治病ê油,可能是種藥物。

第14到29節,馬可福音記載chit段關於行洗禮約翰被殺害ê事件,mā是前三本福音中描述siōng清楚ê。

第14到16節,因為耶穌ê名聲已經震撼了希律王。Chia記載坊間teh傳聞ê耶穌身分,包括有「施洗者約翰有復活」,á希律王mā認同這觀點。

第17到20節,行洗禮約翰會hō͘希律關入監獄ê原因,是因為伊嚴詞「tiāⁿ-tiāⁿ指責」希律ê婚姻是犯了姦淫罪,這hō͘希律ê太太希羅底相當不滿。可見行洗禮約翰並無會因為希律是王,擁有殺伊ê權柄,就驚惶á m̄敢kā伊譴責。因此,希羅底chiah是真正想beh殺害行洗禮約翰ê人。因為希律眼中ê行洗禮約翰是一個「正直聖潔ê人」,伊bat想辦法beh「保護伊」。
第21到25節,希羅底利用慶祝希律王生日ê時chūn,透過cha-bó͘-kiáⁿ tī宴會中跳舞得tio̍h希律kah賓客ê讚賞,利用希律王開出獎賞ê機會, ài cha-bó͘-kiáⁿ索取「施洗者約翰ê頭」做獎賞。

「無論你向我求甚麼,我lóng hō͘你。」「就是我江山ê一半,我mā hō͘你!」希律ê這兩句話,kah亞哈隨魯王beh hō͘王后以斯帖ê仝款(參考以斯帖記六:3、6)。M̄-koh亞哈隨魯王有án-ne權柄,希律王並無,伊ê王位甚至是由羅馬皇帝決定。因此,伊講chiah-ê話應該是酒話。Á希羅底ê cha-bó͘-kiáⁿ聽從母親ê要求,向希律索取行洗禮約翰ê頭,就是殺害ê意思。

第25到29節,就án-ne,行洗禮約翰就tī希律王ê酒後ê一時興起喪失了性命。

第30到32節,這三節thang續接tī第13節了後,這十二門徒tńg來「Kā一切」lóng向耶穌報告in出去傳福音ê結果。作者並無記載in有得tio̍h甚麼成果,m̄-koh耶穌會帶門徒往「偏僻ê所在去」,主要原因是希望門徒thang安靜落來。耶穌為甚麼beh án-ne?真可能kah群眾ê歌頌聲有關係,因為門徒真可能是因為有趕鬼、醫病ê能力感覺歡喜,並且因此得tio̍h真chē民眾ê讚賞。M̄-koh,人siōng大ê軟弱乃是來自群眾ê掌聲kah喝采,因為chiah-ê聲音ē-sái人迷失了性命ê方向。


重新查詢 專卷研經 馬可福音系列
錯誤回報,請聯繫