馬可福音 4章13節 到 4章20節   背景資料  上一筆  下一筆
Tī chit段解釋譬喻ê經文中,thang看見土是扮演真重要ê角色。馬太福音第十三章24節講種籽lóng是「好ê」,ná親像chia第14節所講ê,種籽就是「上帝ê信息」。因為án-ne,問題m̄是tī種籽,卻是tī土。土就是代表人ê心。Koh講,kui個掖種籽ê譬喻中,siōng重要ê字,就是「聽」。這就是第3節所提起ê「tio̍h注意聽」ê意思。

第15節是第一種狀況,講掖落去ê種籽根本無落tī土裡。表示聽tio̍h上帝國信息ê人,根本無心kā chit美好ê信息聽入去,因為án-ne,這美好ê信息一下á就被「撒旦」帶走à。

第16到17節是第二種狀況,講土是淺薄,所聽tio̍h ê上帝國信息無法度深入落根,tú-tio̍h困境、壓力,真緊to̍h「放棄」à。

第18到19節是第三種狀況,講土並無清氣,雜草叢生,掖落去ê種籽真oh成長。Chiah-ê雜草teh代表「生活ê煩惱」、「財富ê誘惑」等等等chiah-ê阻礙真chē,hō͘人無法度專心tī上帝國ê事頂面。

第20節是第四種狀況,說明好ê土,ná親像人有潔淨ê心靈,chit種人容易hō͘福音ê信息tī心房裡扎根生長,而且生做非常美好。

重新查詢 專卷研經 馬可福音系列
錯誤回報,請聯繫