瑪拉基書 2章1節 到 2章9節   背景資料  上一筆  下一筆
Chit章thang分做兩個部分,一是第1到9節,繼續提起祭司所犯ê嚴重錯誤行踏,表面上看起來祭司有照規定替人民舉行獻祭,其實,in所獻祭ê cheng-seⁿ m̄-nā有瑕疵而且無清氣。二是第10到16節,chit段經文真清楚指出以色列人民所犯ê錯誤。先知瑪拉基特別引用上帝kah以色列人民之間特有ê「夫妻」關係說明以色列人民棄sak上帝,去拜偶像神明ê事,就ná同bó͘背叛了丈夫仝款ê不應該。

Chit段經文真清楚講出上帝ê憤怒,祂beh嚴厲懲罰chiah-ê無盡責把關ê祭司,跟tòe民眾ê意思去行,m̄-nā無做到祭司應該做ê事,卻iáu kah民眾同齊做出污穢上帝ê行踏,這是非常嚴重ê錯誤。

另外一方面,先知瑪拉基mā提醒以色列人民,上帝是信實ê,伊一定會嚴守kah以色列人民所立ê約。只要是真實ê祭司,一定會自我要求行為正確,而且會盡責任教導以色列人民確實尊敬上帝,學習履行上帝ê旨意。

第1到2節,先知瑪拉基傳出上帝beh hō͘祭司ê「命令」,就是ài in「一定tio̍h以行為來尊敬」上帝。可惜祭司顯然並不在意上帝chit種命令,mā因為án-ne,以色列人民真自然tek mā跟tòe隨便起來,信仰就án-ne敗壞à。Chit種結果kan-taⁿ會為in帶來「詛咒」,因為in並「無重視」上帝ê「命令」。

第3到4節,chia講上帝詛咒chiah-ê藐視上帝ê祭司,就是「懲罰」in ê「kiáⁿ兒」,這表示祭司ê後代kiáⁿ孫kan-taⁿ會jú來人數jú單薄。天主教《思高聖經學會曉版本》koh khah有意思,就是上帝beh「phut斷in ê手股頭」,意思就是上帝beh hō͘ in失去工作ê能力。根據摩西律法ê規定,祭司一定tio̍h是身軀健壯ê人chiah thang擔任(參考利未記廿一:17—21)。無手股頭,當然就是身軀有殘缺,既然有殘缺,就無法度koh再繼續擔任獻祭ê工作,án-ne,伊就無法度得tio̍h任何獻祭品。

Chia iáu講ài kā in獻祭ê「cheng-seⁿ ê糞便」潑tī祭司ê「面上」,原本以色列人民teh獻祭前,一定tio̍h kā chiah-ê清洗出來ê排泄物the̍h-tio̍h特定ê所在,kā它用火燒掉。Chit-má,卻tio̍h用chiah-ê排泄物潑tī祭司ê面上,這是teh表示祭司ê形像就ná同chiah-ê動物ê排泄物一般,m̄-nā lah-sap臭,而且像是beh棄sak ê廢棄物,thang用火kā它燒掉,hō͘人看bē-tio̍h。雖然上帝是用chit種嚴厲方式懲罰祭司,m̄-koh先知瑪拉基mā同時傳出一個重要ê信息,就是上帝kah人所立ê約,是永遠ê約。表示上帝並無會因為án-ne就廢棄了祂kah利未族人所立ê約,iáu會hō͘利未族人永遠lóng當祭司來服事頂面帝(參考出埃及記廿九:29,民數記三:11—13,申命記十八:5)。

第5節,遵守kah上帝所立ê約,必定會得tio̍h上帝賞賜ê「性命、平安」,這是上帝kah人立約ê時就已經應允ê禮物(參考申命記四:40)。

第6到7節,chit兩節講出一個真實ê祭司應該做到ê事,包括有下列幾項:

一是「傳授真理」。Chit-ê詞「真理」tī希伯來文是「Torah」,這mā ē-sái講是以色列人民認為siōng重要ê經典,mā就是摩西ê律法。祭司有責任教導人民認bat摩西律法(參考利未記十:11)。M̄是只有停止teh主持獻祭ê工作而已。

二是「無講不義ê話」。這是teh指無講欺騙、虛假ê話語。換句話講,做上帝ê奴僕祭司,一定會誠實。

三是「行為正直」。這是teh指祭司bē-tàng有欺騙ê行為,á是去做陷害別人ê事。上帝ê奴僕祭司,應該真清楚甚麼是該做ê,甚麼事是bē-tàng做ê。正直,mā包括公義在內。所講公義,就是teh指對不應該有ê事,會挺身出來阻止。

四是「幫助真chē人棄sak罪惡」。Chia所講ê「罪惡」,是teh指去拜偶像神明。身為祭司,就是beh幫助人透過敬拜上帝而認bat性命ê主。

第8到9節,先知瑪拉基講出祭司ê問題所在,就是本身對上帝不尊重,真自然就無法度帶領人民真正認bat上帝。In既然用chit種方式藐視上帝,上帝mā會用仝款ê方式回應in,就是「hō͘以色列人民藐視」in。

重新查詢 專卷研經 瑪拉基書系列
錯誤回報,請聯繫