路加福音 2章1節 到 2章7節   背景資料  上一筆  下一筆
咱koh一pái看tio̍h作者路加真清楚交帶耶穌出世時代背景──羅馬皇帝奧古斯都,以及敘利亞總督居里扭。

A. 羅馬帝國之所以命令所有被統治區ê人民tio̍h辦理戶口登記,主要ê目的有二:其一是為tio̍h beh徵稅,這是凡年滿十四歲ê人lóng得納人頭稅,直到年滿六十五歲。另外一個是 徵兵,m̄-koh,猶太人m̄免服兵役,因為in ê叛亂事件siuⁿ chē,徵猶太人去服兵役,等於提供in武器仝款ê危險。M̄-koh,猶太人bat為tio̍h beh抗拒chit種「人頭稅」,有過 「叛亂」,結果iáu是hō͘鎮壓了落來。

B. 因為居里扭是tī主前六年到四年,kah主後六年到九年擔任敘利亞ê總督,因為án-ne,如果這是第一pái進行戶口普查,án-ne,耶穌應該是tī主前六年到四年之間降生chiah-tio̍h。 C. 作者路加特別提起耶穌降生ê所在是tī馬槽,原因是客棧已經客滿。原來回鄉去登報戶口ê人滿多ê。馬槽,用腳頭u想mā知這是馬隻teh歇睏ê所在,mā是馬夫過瞑ê所在, 耶穌就tī chiah-nih卑賤ê所在降生人間。

重新查詢 專卷研經 路加福音系列
錯誤回報,請聯繫