路加福音 16章1節 到 16章18節 背景資料 上一筆 下一筆 |
這確實是一段常hō͘人提出質問ê經文,án-ne「機警ê管家」不誠實ê作法對?如果tùi第14節看tńg來,chit-ê譬喻可能是teh講hō͘法利賽人「愛錢」聽ê,如果是tùi第十五章1到2 節看,則可能是對抽稅ê人有啟示作用。 A. 如果是對愛錢ê法利賽人,則耶穌講chit-ê譬喻,為tio̍h是beh希望in ē-tàng teh斂財ê時,多考慮一下hiah-ê貧困ê人ê需要,ē-tàng減輕貧困人ê負擔,就是上帝所喜樂ê事。 B. 假使對抽稅ê人來講,則徵稅已經tī猶太人中造成真大ê生活負擔,如果in ē-tàng減少稅額,mài超收,in會tī民眾中得tio̍h koh khah chē ê朋友。 C. Chit-ê財主累積錢財ê來路mā不明,因為án-ne,當chit-ê奴僕án-ne減輕欠債者ê負擔ê時,伊反tńg感覺奴僕比伊koh khah強。換句話講,kā不義得來ê錢財,扭轉過來,hō͘伊koh khah接近義ê層次,應該是ē-tàng接受ê。 |