士師記 9章1節 到 9章22節   背景資料  上一筆  下一筆
Chit章主要是teh紹介亞比米勒chit位出tī基甸ê kiáⁿ,當以色列人民ê首領,tī伊治理之下ê情景。

為tio̍h領導權,真容易發生所講ê「宮廷內鬥」ê事,嚴重ê是親骨肉互相殘殺,就是為tio̍h奪權ê事。亞比米勒ê事件án-ne,大衛王死後ê宮內,mā發生chit-ê tāi-chì(參考列王記上第一到二章),列王記下第九到十章mā有記載關係耶戶奪取王位ê事件,lóng tī說明chit種宮廷內鬥爭奪權ê齷齪行踏。

Chia講述發生爭奪權力ê地點背景是tī示劍,這是當時重要ê一個大城市,設tī以巴路山kah基利心山之間肥ê山谷,是當時巴勒斯坦ê貿易中心城市,mā是以色列人民看做「聖城」之一,因為亞伯拉罕bat tī-chia看見上帝向伊顯現(參考創世記十二:6—7)。

第1到3節,chit段經文一開始就說明基甸ê厝內人違背基甸當時ê諾言(參考八:23)。亞比米勒kah全家tī示劍詢問想beh甚麼人當in ê領導者。因為基甸共生「七十個kiáⁿ」(參考八:30)。亞比米勒顯然是真有企圖心,伊對示劍城ê人表示,伊chiah是in ê親「骨肉」,因為伊ê老母是示劍人。

第4到6節,注意第4節chia提起亞比米勒用錢買收「一陣無賴遊民跟tòe伊」,這是為tio̍h奪取領導權,顯然亞比米勒kah伊ê老父基甸(參考八:23)是明顯ê對比。積極想奪取領導權ê人,心中bē kā上帝khǹg tī眼裡,因為伊想ê是:只有我chiah是領袖。Chit種人bē問:上帝ê意思怎樣?而且伊是用錢買票,違背信仰ê基本原則,koh khah殘酷ê手段是伊殺害其他ê兄弟,以阻止in對伊當領導者ê威脅。Iáu好,基甸siōng小ê kiáⁿ約坦躲過了chit pái ê家庭浩劫。

第7到21節,chit段經文主要是記載約坦對亞比米勒殺害家己ê兄弟,只為tio̍h beh當以色列人民ê領袖,伊先向示劍人講了一則寓言,續落來解釋這寓言,主要是ài in mài跟tòe亞比米勒。

第7到15節,約坦講一則寓言。請注意,伊chit篇寓言是用「詛咒」收尾ê。寓言中提起各種果子樹lóng拒絕被選立做樹王,每棵果子樹lóng kā家己ài做ê主要工作siōng重要,卻m̄是當王,最後願意當王ê竟然是siōng無用ê刺phè,甚至語帶恐嚇ê方式來表示一定tio̍h由它做樹林ê王chiah thang,若無,它tio̍h用火來燒毀siōng珍貴ê香柏樹。這已經清楚teh暗示刺phè就是亞比米勒,是如仝一個文不值ê刺phè一般。

第16到21節,chit段經文是約坦teh解釋寓言ê內容。伊講tio̍h亞比米勒並無親像in ê老父基甸仝款,約坦譴責示劍人bē記得in老父基甸為以色列人民所做ê貢獻,竟然擁立一位殺害家己七十個兄弟ê人當王。約坦甚至用鄙視(siùⁿ)ê用詞講亞比米勒ê老母是一個女婢,意思是teh指ná親像「刺phè」仝款ê卑賤。伊語帶諷刺ê講beh祝福in,m̄-koh mā提醒in可能發生koh khah殘酷ê相殘ê tāi-chì會發生。伊主要用意是希望喚醒所有ê以色列人民拒絕接受亞比米勒當士師。伊ê chit段話mā隱喻了以色列各支族之間ê領導權問題。

第22節,chia講亞比米勒「統治以色列三年」,比較khah正確ê講法是伊統治示劍kah周圍地區三年。

重新查詢 專卷研經 士師記系列
錯誤回報,請聯繫