士師記 3章7節 到 3章11節   背景資料  上一筆  下一筆
Tùi第7節開始,直到第十六章31節,chit段篇幅lóng是記載有關士師ê事。

Chit段經文紹介第一位士師—俄陀聶。伊是迦勒ê小弟基納斯ê kiáⁿ(第9節)。Chit位迦勒,就是tī摩西時代,tùi每一個支派中派出一位領袖進入迦南地去偵測實況ê代表之一,是猶大支派耶孚尼ê kiáⁿ(參考民數記十三:8)。伊kah約書亞兩個人lóng主張應該進入迦南地m̄免驚惶,以色列人民有能力征服迦南地ê居民。M̄-koh其他ê代表lóng表示bē-tàng行,認為迦南人強大碩壯,根本phah不贏。結果上帝受氣,只有hō͘迦勒kah約書亞kah hiah-ê年紀未滿二十歲以上ê以色列人民進入迦南應允之地(參考民數記十四:26—30)。

第7到8節,chit兩節ē-sái講是士師出現ê固定句型。是因為以色列人民背叛上帝去拜偶像神明,惹起上帝憤怒,而hō͘外族人來侵犯以色列人民。上帝是用chit種方式tī懲罰,mā是一種教導以色列人民一定tio̍h對上帝忠實ê方式。

Chia提起統治以色列人民ê是「古珊、利薩田王」,這是甚麼人?真oh清楚,不過chit-ê名ê意思是teh指「雙倍惡毒ê古珊」ê意思。Án-ne thang理解棄sak上帝ê結果,就是加倍痛苦。以色列人民tī chit王之統治下,痛苦生活了八年之久。

第9到11節,俄陀聶是上帝差派hō͘以色列人民ê第一位士師,上帝差派伊,上帝ê靈充滿伊,hō͘伊thang每pái出征lóng phah贏。因為án-ne,伊帶領以色列人民長到四十年,保持太平,直到伊往生為止。

重新查詢 專卷研經 士師記系列
錯誤回報,請聯繫