士師記 3章12節 到 3章31節   背景資料  上一筆  下一筆
Chit段經文是紹介第二位士師以笏,伊是「便雅憫」支族ê人。Chit-ê族ê名稱tī字面上有「右方之民」ê意思,因為in是khiā起tī親族「以法蓮」ê南部,南部是tī正手邊。換句話講,當做者用以笏人「習慣用倒手」chit句話ê時,已經teh說明以笏是去做一件「根本就是無可能達成ê任務」。

第12到14節,上帝懲罰以色列人民ê方式,就是hō͘敵人強壯,chit pái上帝hō͘摩押王伊磯倫比以色列強盛,結果摩押王就聯合亞捫人kah亞瑪力人來攻打以色列人民,就án-ne,以色列人民臣服tī摩押人統治之下長到十八年。

第15到19節,上帝揀選以笏,伊就去phah一支「兩刃ê劍」縛tī右腿上,用衫褲遮蓋起來,然後帶tio̍h禮物去見統治者摩押王伊磯倫,講有件機密ê事tio̍h單獨會面。

第20到25節,以笏就利用chit種單獨會面ê機會,暗殺了摩押王伊磯倫,然後逃走。

第26到30節,以笏利用摩押王伊磯倫死去,無人帶領ê時,率領以色列人民奮勇對抗摩押人,終其尾phah敗摩押人,就án-ne,解救以色列人民脫離摩押人ê統治。Hō͘ in ê民族享受長到八十年ê太平。

珊迦是第三位士師,mā是一位能力真特別ê士師,真親像參孫有特殊能力ē-tàng退敵。伊ē-tàng用手the̍h「一條趕牛ê刺棒phah死六百個非利士人」,chit種「刺棒」是長條形ê木棒,通常mā用來清潔犁頭。

重新查詢 專卷研經 士師記系列
錯誤回報,請聯繫