Chit段經文講述參孫ê懺悔，而伊悔改ê祈禱上帝垂聽，koh一pái賜hō͘伊力量，hō͘伊ē-tàng擊敗hiah-ê折磨伊ê人。

第23到27節，非利士人歡喜phut-phut-tiô用腳頭u想mā知。In kā參孫當做是phah敗以色列人民ê戰利品，因為án-ne，in tī所拜ê神明「大袞」前大大慶祝chit pái ê勝利，並且tī神明面前戲弄參孫。「大袞」之神，是迦南人所敬奉管理「植物」、「五穀」ê神明，類似Tī台灣ê「神農」神明仝款。M̄-koh參孫已經知影伊一定tio̍h óa靠上帝，chiah ē-tàng phah敗非利士人。若無án-ne，伊只有ē-tàng被凌虐到死去。因為án-ne，伊請求hit-ê牽伊手ê童僕，hō͘伊依附tī神廟ê柱子。伊準備利用漸漸長出來ê頭毛，懇求上帝賞賜hō͘伊新ê氣力。Á當時大約有三千個非利士人tī廟裡參加chit項慶功會。

第28到30節，就tī chit時chūn，參孫唯一ē-tàng使用氣力ê來源，就是祈求上帝賞賜hō͘伊力量報仇。果然伊hō͘盡所有力量，kā大袞神廟裡ê柱子推倒，kā在場約三千非利士人壓死，mā包括了五位非利士人ê首領。

第31節，參孫死後，伊ê兄弟kah全家kā伊埋葬，mā結束伊當以色列人民ê士師。

雖然參孫最後ê一道力量，是摧毀大袞神廟以及數以千計ê非利士人。M̄-koh伊並無幫助以色列人民脫離非利士人ê統治。非常可惜，如果伊有嚴格遵守kah上帝所立ê約，確實過「離俗人」ê生活，以色列人民應該會脫離非利士人統治ê苦難。