Chit章thang分做兩個段落，第一段落是tī第1到7節，是用法蓮族人對耶弗伊無邀請in同齊出兵攻打亞捫人表示不滿。第二段落是第8到15節，koh紹介了三位所謂小士師ê記事。

Chit段經文thang參考第七章23節到第八章3節，tī基甸當士師ê時chūn，伊帶領以色列軍隊攻打米甸人ê時，以法蓮人mā bat tī戰後有表示in被疏忽ê不滿。chit-má in仝款對耶弗伊表示強烈不滿，甚至要脅tio̍h用火燒掉耶弗伊ê厝。

第1節，以法蓮支族ê人是帶兵去質問耶弗伊為甚麼無邀請in參與作戰ê事，而且語帶威脅，chit種態度是真無友善。

第2到3節，chit種態度hō͘耶弗伊非常無掠做當然，耶弗伊真無客氣指出伊有邀請，只是用法蓮支族ê人拒絕參與抵抗亞捫人。taⁿ看見耶弗伊phah贏，而且佔領了二十座城市，講穿了，耶弗伊已經指出以法蓮人只是想beh來分杯羹，並無真正願意出兵協助耶弗伊kah以色列同胞。

第4到6節，耶弗伊kah基甸tī做法上真無仝款；耶弗伊ê態度是號召tòa tī基列ê以色列人民整軍對抗以法蓮人，結果以法蓮人戰敗逃逸，m̄-koh iáu是有chē kah四萬兩千人被殺，這ē-sái講是以色列民族ê內戰，是自相殘殺，mā是以色列人民tī迦南地第一pái ê兄弟「內戰」。Chiah-ni̍h chē ê死亡人數，mā是接近滅族ê狀態。

第7節，耶弗伊成做以色列人民ê領導者長到六年。