士師記 1章11節 到 1章21節   背景資料  上一筆  下一筆
Chit段經文是繼續記載猶大支派ê領導群,攻城掠地ê經過。 

第11節,chia提起猶大支派beh攻打底璧城,這是設tī希伯崙西南方大約二十公里處,是軍事戰略中ê重要城市。

第12到13節,chia提起迦勒,伊就是kah約書亞同時受派去窺探迦南地ê十二代表之一(參考民數記十三:3-15),mā是伊kah約書亞對攻取迦南地表示積極支持ê態度(參考民數記十四:6-10)。因為án-ne,上帝允准in兩人thang kah二十歲以下ê少年一代進入迦南地。chit-má伊用獎賞ê方式,就是beh kā cha-bó͘-kiáⁿ當做鼓舞猶大人民進攻底璧ê酬勞。結果是伊小弟基納斯ê kiáⁿ俄陀聶得tio̍h chit項獎賞。

第14到15節,俄陀聶是以色列人民tī迦南地khiā起後ê第一位「士師」(參考三:9),mā就是約書亞往生後,第一位領導以色列人民ê領袖。極可能kah伊是猶大支族ê人有關係。Koh講是因為伊ê英勇,teh進攻底璧城ê時得tio̍h戰功,m̄-nā得tio̍h迦勒ê cha-bó͘-kiáⁿ做bó͘,以及一塊水泉地,koh khah重要ê是伊因為án-ne被選做「士師」。

第16到17節,chit兩節提起猶大kah西緬koh一pái聯軍去攻打洗法城ê迦南人,並且kā hit-ê城徹底摧毀。

第18到19節,提起猶大攻打山區ê時chūn lóng真順手,m̄-koh,攻打海口城市卻m̄是真內行,原因是in是游牧民族,對山區地形非常熟悉,m̄-koh相對ê,對tī海口地形則真生份。因為án-ne,chiah-ê屬tī非利士人khiā起ê迦薩、亞實基倫、以革倫等城市,lóng避開了猶大kah西緬支族ê困擾。主要原因是chiah-ê非利士人是遠比以色列人koh khah進步,有「鐵戰車」,這是有ná今á日ê所謂「裝甲部隊」。因為án-ne,猶大kah西緬聯軍無法度kā chiah-ê城市攻取落來。

第20到21節,chit兩節真清楚說明猶大支族ê迦勒家族,佔領了希伯崙地區,而便雅憫支族ê人,卻無法度攻落耶布斯人佔領ê耶路撒冷。Ná親像頭前提起過ê,直到大衛時代chiah kā耶路撒冷the̍h落來。

重新查詢 專卷研經 士師記系列
錯誤回報,請聯繫