約書亞記 9章16節 到 9章27節   背景資料  上一筆  下一筆
Chit段經文描述後來基遍人欺騙ê事hō͘人揭發,約書亞決定遵守所chiù-chōa ê約定,下令所有以色列人bē-tàng殺害基遍人,m̄-koh kā in收納成做奴隸。

第16到17節,當chit-ê約成立後ê三工,以色列人才發見被基遍人所騙,原來in就khiā起tī以色列人附近,只要以色列人隨時發動攻擊,lóng thang kā in消滅。Chia mā列出chiah-ê希未人所khiā起ê城市,包括基遍、基非拉、比錄、基列•耶琳等城鎮。

第18到21節,因為chit件事tī以色列內部出現無仝意見,mā傳出不滿ê聲音。M̄-koh以色列ê眾領袖堅持beh守約,因為ná和平條約是用上帝ê名chiù-chōa而簽訂ê。Mā tùi chia看見以色列人經過四十年曠野漂流ê經歷,知影遵守約ê重要性。為tio̍h án-ne,in決定hō͘基遍人存活落來,不殺害in。m̄-koh beh kā in當做奴隸使用。

後來tī大衛王時代,整整三年發生嚴重ê飢荒,大衛求問上帝,chiah知影kah掃羅殺害基遍ê居民有關(參考撒母耳記下廿一:2)。大衛為tio̍h beh處理此事件,答應基遍人ê要求,tùi掃羅ê後代中,交出七個男丁,吊死in(撒母耳記下廿一:6—9)。

第22到23節,約書亞做出裁定,hō͘基遍人永遠tī以色列人中間做奴隸,做祭壇所需要ê挑夫之工作。

第24到25節,講出tī迦南地ê人確實傳述著上帝怎樣帶領以色列離開埃及奴隸之地,koh tī pôaⁿ過約旦河進入迦南地ê時,iáu有能力phah垮耶利哥城ê人,mā有能力殺害地理位置甚佳ê艾城,而且kā hit-ê城所有ê人lóng殺害等,單是chiah-ê傳聞就hō͘基遍人嚇到m̄知如何是好。

第26到27節,約書亞聽完chiah-ê基遍人ê陳述了後,決定下令hō͘基遍人受tio̍h保護,不准有任何以色列人傷害基遍人。

重新查詢 專卷研經 約書亞記系列
錯誤回報,請聯繫