約書亞記 7章16節 到 7章26節   背景資料  上一筆  下一筆
Chia並無說明上帝用怎樣ê方式來hō͘約書亞知影是tó一個支族、宗族ê人。M̄-koh聖經不時提起用「抽籤」來確定犯罪者。親像:約拿mā是tī抽籤之下被發見伊就是引起風湧ê「禍首」(參考約拿書一:7)。

第16到19節,chia清楚講出是猶大支族中ê謝拉宗族ê人,終其尾chhōe-tio̍h撒底ê孫á,迦米ê kiáⁿ亞干。約書亞ài亞干照實講出伊所犯ê罪。

第20到21節,亞干照實講出伊tī戰利品中the̍h一件巴比倫ê外袍、兩公斤ê銀á kah半公斤ê金子。伊將chiah-ê物件lóng藏tī伊ê帳棚內ê地下。

第22到26節,約書亞馬上派人去將hiah-ê物件the̍h出來,並kā它攤tī上帝面前,全體以色列人lóng看見。約書亞進行審判,將亞干kah伊一家人連同厝內ê cheng-seⁿ lóng徹底毀滅。然後tī亞干被石頭phah死ê所在堆起一堆石頭,以「災難谷」ê名當做後代kiáⁿ孫ê警惕。

Chit種用石頭之刑,處置亞干kah伊ê全家,是teh表示亞干所犯ê罪,是褻瀆上帝ê神聖(包括對上帝律法誡命ê藐視,以及對聖殿ê無尊敬),ná親像司提反被判以「褻瀆上帝」之罪,hō͘人用石頭phah死仝款(參考使徒行傳七:57—58)。

「kā阮帶來」,chit句話tī《中文和合本》ê用詞是「連累阮」,表示伊ê罪m̄-nā是「連累」了家人,mā連累了kui個以色列人。Chit種連累家族ê處置方式,後來有改變。申命記第廿四章16節記載講:「M̄ -thang 因為 kiáⁿ來 hō͘ 老父死,mā m̄ -thang 因為老父來 hō͘ kiáⁿ 死,ta̍ k人lóng tio̍h 為tio̍h 家己ê 罪來死。(全民版)」(申命記廿四:16)

重新查詢 專卷研經 約書亞記系列
錯誤回報,請聯繫