約書亞記 4章8節 到 4章18節   背景資料  上一筆  下一筆
Chit段經文記載除了呂便、迦特,kah半支瑪拿西ê勇士,kah其他所有以色列人民外,in準備四萬名ē-tàng相刣ê軍隊準備作戰,好保護以色列人民。

第8到10節:「約書亞mā tī約旦河中」,chit句話說明約書亞就是領導者,領導ê人一定tio̍h行tī頭前。特別注意ê,是有十二塊石頭,表示所有支族ê人同心協力,卻m̄是凸顯某一個支族出力多,是大家共同努力ê成果,而且tī約書亞ê命令中完成。Chit種用石頭立碑做記號ê方式,tī創世記中mā是一再出現,親像:雅各tī伯特利夢中看見天梯,有上帝ê天使tī梯ê頂下往來,睡醒後就用石頭作碑做記號(參考創世記廿八:18);拉班kah雅各立約後,mā是用石頭立碑做記號(參考創世記三十一:41—53)。

第11到14節,chia特別強調呂便、迦特,kah半個支派ê瑪拿西族人ê勇士,是行tī頭前。這hō͘以色列其他支派ê人知影,in確實有照所立ê約定去做,並無lám-nōaá是怠慢應該有ê責任。這mā是teh回應十二塊石頭立碑ê用意。

Mā因為ē-tàng順利行過約旦河,hō͘全體以色列人民感受tio̍h,ná親像in早年祖先行過紅海仝款,對約書亞ê尊敬kah對摩西ê態度仝款。

第15到18節,因為是上帝親手擋tòa約旦河chhoah流ê水流,河水chiah會停止無振動。chit-má上帝beh約書亞命令所有祭司將約櫃扛上岸,當in ê腳一上岸,上帝ê手就縮tńg來,chit時,約旦河ê河水koh開始chhoah流流動à。

重新查詢 專卷研經 約書亞記系列
錯誤回報,請聯繫