約書亞記 3章7節 到 3章17節   背景資料  上一筆  下一筆
Tī chit段經文中特別強調講是收割ê季節,mā是河水高漲過兩岸ê時刻,m̄-koh卻tī chit種人看做無可能ê事,卻tī上帝手中變成可能ê事。

第7到8節,這是上帝對約書亞領導權ê koh一pái肯定,tī約書亞身上眾人會看見上帝kah伊同在,ná親像tī摩西身上所看見ê仝款。

第9到13節,chit段經文是約書亞對以色列人民下命令,堅定in ê信心,ài in聽從上帝ê話,這ná親像軍隊tī出征chìn前,所講ê「精神講話」仝款。約書亞清楚ê kā以色列人民講,只要看見約櫃,就知影上帝tī in ê頭前。過去tī曠野ê時,上帝用火柱kah雲柱引chhōa in,chit-má是用約櫃作前導,表明祂kah以色列人民同在。

Chia mā提起tī迦南地khiā起ê居民有七個族群。對照tī十二支族lóng選出一個代表,表示呂便、迦特,kah半支瑪拿西lóng有照約定派出代表出來,是十二支族ê人同齊行動。

摩西帶領以色列人民行入紅海ê時,海水分開,chit-má約書亞命令祭司扛tio̍h約櫃行入約旦河ê時,河水就停止流動,這lóng teh表明除非是上帝顯現ê神跡以外,無任何人有chit種能力ē-tàng完成。

第14到15節,chit兩節說明行過約旦河,確實是件偉大ê神跡,因為he是收割ê季節,mā是河水高漲ê時刻,m̄-koh上帝卻ē-tàng hō͘約旦河ê河水停止流動。作者khah強調,除了上帝,無任何神明á是人ê氣力辦得tio̍h chit件事。

第16到17節,chia說明是上帝ê手擋止了約旦河水,上帝ē-tàng hō͘河水暴漲,mā ē-tàng hō͘河水擋止bē振動,這就是神跡。Á這神跡就tī眾祭司扛tio̍h上帝ê約櫃行入約旦河ê時,馬上發生。約旦河ê河床beh扛約櫃ê眾祭司腳落tī河床ê時,河床隨時變成乾涸thang行,就án-ne,眾祭司扛tio̍h約櫃等tio̍h以色列人民、全部lóng行過約旦河。

重新查詢 專卷研經 約書亞記系列
錯誤回報,請聯繫