這是記載早先已經確定beh kā約旦河東岸分配給呂便、迦得，以及瑪拿西ê半個支族（參考民數記第三十二章）。真可惜ê是後來mā因地理環境ê影響，呂便ê kiáⁿ孫tī大衛王朝ê時代差不多lóng被迦得ê kiáⁿ孫所同化，每pái提起約旦河東岸ê事，只提起迦得，而無koh提起呂便了（參考撒母耳記上十三：7；撒母耳記下廿四：5）。真可能ná親像士師記ê作者所提起ê，in kah外族人通婚，mā因為有河為界，kah本族人ê來往跟tòe日子而遠離。

第8節，是關係呂便、迦得，kah瑪拿西半個支族因為摩西已經分配好勢，所以無任何問題。

第9到13節，講述chit兩個半支族tī東岸所分配到ê土地。

第14節，利未支族並無分配到土地，特別提醒in ê需要lóng tùi獻祭ê物件中得tio̍h。