約翰福音 4章42節 到 4章54節   背景資料  上一筆  下一筆
Tī第45節講加利利人歡迎耶穌,主要原因是in tī耶路撒冷ê時chūn,看見耶穌tī「節期中所做ê一切事」。照第二章23節ê記載,耶穌bat tī耶路撒冷行過神跡。Án-ne看起來,加利利人是因為耶穌ê神跡來歡迎祂,m̄是因為耶穌所傳講ê信息來信祂,這kah頭前ê撒馬利亞庄頭ê人,因為聽耶穌所傳講ê信 息,就相信伊(四:41),確實有真大ê差別。

A. 第46節只有講是一位官員,並無講是甚麼位階,真可能是希律手下ê高官。Chit段故事mā thang比較馬太福音第八章5到13節,kah路加福音第七章1到10節。

B. 「若m̄是看見神跡奇事,lín lóng是m̄信。」chit句話講出當時ê人ê信心真脆弱,mā顯示出chit位官員ê問題。耶穌並無跟tòe伊去in-tau,只hō͘伊一句話:「去,你ê兒 子會活ê!」佳哉,chit位羅馬官員「信了耶穌ê話就tńg去」。神跡mā是án-ne發生,就是無懷疑,堅定ê相信,就必定會發生。

C. 約翰福音ê作者一再ài beh表達一個主題:耶穌ê話本身就是性命ê氣力;祂 ê話ē-tàng hō͘水變成酒(二:1—10),也ē-tàng hō͘病了而且倒tī水池邊達卅八年久ê病人tùi擔架 上起來行(五:1—8)。Chit位官員ê gín-á,耶穌只hō͘一句話,就好起來。這就是約翰福音ê作者所beh kā咱講ê信息:聽耶穌ê話,性命會得tio̍h重生。因為伊ê 話,就是親像神跡一般ê神奇。

重新查詢 專卷研經 約翰福音系列
錯誤回報,請聯繫